Eknath Shinde: पुन्हा गुवाहाटी! शिंदे गट चालला रे.... हॉटेल झालं बुक

राज्याच्या राजकारणात आणि शिवसेना पक्षातून बंड करून एकनाथ शिंदे आणि 40 आमदार बाहेर पडले. त्यानंतर शिंदे यांच्या बंडानंतर काही शिवसेना आमदार गुवाहाटीला गेले. गुवाहाटीतील रेडिसन ब्लू हॉटेलमध्ये शिंदेसह बंड केलेले सर्व आमदार दिसून आले. त्यानंतर राज्याच्या राजकारणात मोठ्या घडामोडी घडल्या आणि सत्तांतर झालं. आता पुन्हा शिंदे आणि समर्थक आमदार पुन्हा एकदा गुवाहाटीला जाण्याची तयारी झाल्याची माहिती समोर आली आहे.

मुख्यमंत्री एकनाथ शिंदे आपल्या समर्थक आमदारांसह पुन्हा कामाख्या देवीच्या दर्शनाला जाणार आहेत. यासाठी गुवाहाटीत हॉटेलचं बुकिंग आणि अन्य तयारी पूर्ण करण्यात आली आहे. राज्यात जेव्हा सत्तांतराचा नाट्य घडत होतं तेव्हा सगळ्यात मोठ्या घडामोडी घडल्या त्या गुवाहाटीमद्धे. शिंदे गटाचे अनेक आमदार जेव्हा राज्यात परत आले तेव्हा त्यांनी कामाख्या देवीचं घेतलं होतं.

दरम्यान आता डिसेंबरच्या पहिल्या आठवड्यात मुख्यमंत्री एकनाथ शिंदे आपल्या समर्थक आमदारांसोबत पुन्हा एकदा गुवाहाटीला जातील आणि कामाख्या देवीचं दर्शन घेतील अशी माहिती समोर आली आहे. या जाण्याची सर्व तयारी झाली असल्याची माहिती समोर आली आहे.