HSC Paper Leak : बारावीचा गणिताचा पेपर ११९ विद्यार्थ्यांना परीक्षेच्या तासभर आधीच मिळाला होता

बारावीचा गणिताचा पेपर ११९ विद्यार्थ्यांना परीक्षेच्या तासभर आधीच मिळाल्याची धक्कादायक माहिती समोर आली आहे. त्यामुळे आता या प्रकरणाला आणखी नवीन वळण लागण्याची शक्यता आहे. गुन्हे शाखेच्या तपासामध्ये ही माहिती समोर आली आहे.

अहमदनगरमधल्या एका महाविद्यालयातल्या ३३७ मुलांपैकी ११९ मुलांना हा गणिताचा पेपर फोडण्यात आला. त्यांचेच महाविद्यालय त्यांना परीक्षा केंद्र म्हणून मिळाल्याने हा पेपर फोडल्याचं पोलीस तपासातून समोर आलं आहे. त्यामुळे आता महाविद्यालयातल्या शिक्षकांच्या भूमिकेवर संशय व्यक्त होत आहे.

गुन्हे शाखेच्या तपासातून या गोष्टी समोर आल्या आहेत. दहा हजार रुपयांना पेपर फुटल्याचं या आधी तपासात समोर आलं होतं. महाविद्यालयाच्या मालकासंदर्भातही काही पुरावे हाती लागले आहेत. त्यामुळे गुन्हे शाखेचे पोलीस महाविद्यालयाच्या मालकाचा शोध घेत आहेत.