मुंबई - ‘एसटी महामंडळ दरवर्षी पाच हजार याप्रमाणे पुढील पाच वर्षांत २५ हजार बस घेणार आहे. यापैकी चालू आर्थिक वर्षापासून पुढील चार वर्षांत २० हजार बस या पर्यावरणपूरक ‘सीएनजी आणि ‘एलएनजी’सारख्या इंधनाबरोबरच डिझेल इंधन अशा हायब्रीड असतील..डिझेल इंधनाचा वापर केवळ आपत्कालीन परिस्थितीत केला जाणार असल्याने प्रवाशांची गैरसोय होणार नाही,’ अशी माहिती परिवहन मंत्री प्रताप सरनाईक यांनी शुक्रवारी येथे दिली.सरनाईक यांनी आज पर्यावरणपूरक इंधनासंदर्भात एसटी अधिकारी आणि संबंधित इंधन पुरवठादार संस्थांच्या प्रतिनिधींबरोबर बैठक घेतली. ते म्हणाले, की एसटीच्या बहुतेक सर्व बस डिझेलवर चालणाऱ्या आहेत..महामंडळाच्या एकूण खर्चापैकी सुमारे ३४ टक्के खर्च हा इंधनावर होतो. महामंडळाला दररोज सुमारे दहा लाख ७० हजार लिटर डिझेल लागते. परिणामी वर्षाला सुमारे ३४ हजार कोटी रुपयांचा खर्च इंधनावर होतो..भविष्यात डिझेल इंधनाची उपलब्धता आणि त्याच्या दरात वारंवार होणारा बदल लक्षात घेता पर्यायी इंधन वापरणे आवश्यक आहे. ‘सीएनजी’ आणि ‘एलएनजी’ हे पर्यायी इंधन प्रकार तुलनेने डिझेलपेक्षा स्वस्त असून पर्यावरणपूरक देखील आहेत.या इंधनाची कार्यक्षमता चांग२ली असल्याने पुढील वर्षीपासून खरेदी करण्यात येणाऱ्या नव्या २० हजार बस या हायब्रीड इंधनावर चालणाऱ्या असतील, असे त्यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
