Kalyan Fire News: दुकानात झोपला अन् शटर बंद असल्याने अडकला; कामगाराचा आगीत तडफडून मृत्यू

कल्य़ाणमध्ये एका फुलाच्या दुकानाला लागलेल्या आगीत एका व्यक्तीचा होरपळून मृत्यू झाला आहे. कल्याण रेल्वे स्टेशन परिसरात ही घटना घडली.

कल्याण रेल्वे स्टेशन भागामध्ये पोलीस ठाण्याच्या मागे असलेल्या एका फुलाच्या दुकानाला पहाटे चार वाजण्याच्या सुमारास आग लागली. दुकानाचे शटर बंद होते. एक कामगार दुकानात झोपला होता. त्यामुळे त्याला दुकानातून बाहेर पडता आलं नाही. या आगीत होरपळून त्याचा मृत्यू झाला.

करन असं या व्यक्तीचं नाव असून तो याच दुकानात काम करत होता. आपलं काम संपवून, दुकान बंद करून करन झोपला आणि त्यानंतर ही आग लागली. या आगीचं कारण अजून समोर आलेलं नाही. करनचा मृतदेह शवविच्छेदनासाठी पाठवण्यात आला आहे. पोलीस या प्रकरणाचा अधिक तपास करत आहेत.