चिचोंडी- प्रतिकूल परिस्थितीत शिक्षण घेत आई-वडील, मामा-मामीचे स्वप्न सत्यात उतरवत चिचोंडी खुर्द (ता. येवला) येथील कोमल दत्तात्रय चव्हाण या तरुणीने बीएचएमएस ही वैद्यकीय क्षेत्रातील पदवी प्राप्त करून डॉक्टर होण्याचा बहुमान पटकावला आहे. .गावातील पहिली महिला डॉक्टर ती झाली असून, अगोदर धाब्याच्या व नंतर पत्र्याच्या घरात राहणाऱ्या आई-वडिलांचे स्वप्न साकार केले असून, डॉक्टर झालेल्या कोमलने एमडी होण्यासाठी आता आपली पुढची लढाई सुरू केली आहे..कोमलची परिस्थिती अत्यंत हलाखीची असून, तिने पुण्यात राहणाऱ्या मामाकडे राहून साडेपाच वर्षांचे शिक्षण घेत बीएचएमएसची पदवी मिळविली. तिचे वडील दत्तात्रय चव्हाण येवला येथील एका इंग्रजी माध्यमाच्या शाळेत सुरक्षारक्षकाचे, आई मनीषा चव्हाण शिवणकाम करतात..राहायला चांगले घर नाही. पावसाळा आला की रात्रभर जागून काढायचे अशा कठीण परिस्थितीत अभ्यास करून कोमल वैद्यकीय शिक्षण घेत होती. प्राथमिक शिक्षण जिल्हा परिषद प्राथमिक शाळेत, तर माध्यमिक शिक्षण आदर्श माध्यमिक विद्यालयात पूर्ण केलेल्या कोमलने पुढील शिक्षणासाठी पुणे येथे मामाकडे जात मोठ्या कठीण परिस्थितीमध्ये शिक्षण घेऊन आपले स्वप्न पूर्ण करण्याच्या ध्येयाकडे यशस्वी वाटचाल केली. .मात्र आर्थिक परिस्थिती शिक्षणात आणि आपल्या ध्येयांच्या आड येऊ दिली नाही, असे कोमल ‘सकाळ’शी बोलताना म्हणाली. दोन वर्षांपूर्वी तिसऱ्या वर्षात असताना मी आई-वडिलांना दिवाळीत पणत्या विकण्यासाठी रस्त्यावर बसून विक्री केली. त्या वेळी ‘सकाळ’ने माझी बातमी देऊन मला झालेली आर्थिक मदत मला बळ देणारी ठरली, असेही तिने सांगितले..Yeola News : ‘एन्झोकेम’च्या चार विद्यार्थिनी संस्कृतमध्ये राज्यात प्रथम.तूच आहेस तुझ्या जीवनाचा शिल्पकार या सद्गुरू वामनराव पै यांच्या विचाराने प्रेरित होऊन आपण आपले ध्येय निश्चित करू शकतो. फक्त मनात जिद्द आणि परिस्थितीला हरविण्याची तयारी ठेवली पाहिजे. सर्वसामान्य कुटुंबातील विद्यार्थ्यांनी जिद्दीने शिकावे, परिस्थिती कधीच आडवी येत नाही. आली तरी मार्ग निघतो.-डॉ. कोमल चव्हाण.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
