- नितीन बिनेकरमुंबई - राज्यात मद्याचे दर वाढल्याने शेजारच्या राज्यांतून बेकायदा मद्याची वाहतूक वाढली आहे. उत्पादन शुल्क विभागाच्या पथकांनी अलीकडे केलेल्या कारवाईतून मोठ्या प्रमाणावर मद्य तस्करी उघड झाली आहे..गोवा, दमण, मध्य प्रदेश आणि दादरा -नगर हवेली येथून राज्यात बेकायदा मार्गाने मद्य येत आहे. सुमारे ४० दिवसांत या राज्यातून तस्करीच्या १७२ प्रकरणांत २५ हजार ४०१ लिटर मद्यासह एकूण ३.८२ कोटी रुपयांचा मुद्देमाल जप्त केला आहे..गोवा आणि दमण येथे मद्याचे दर तुलनात्मकदृष्ट्या कमी आहेत. राज्यभरात हे मद्य कमी दरात विकले जात असून, मोठ्या प्रमाणात सरकारी महसूल बुडत आहे, असे विभागाने सांगितले. या पार्श्वभूमीवर उत्पादन शुल्क विभागाकडून चौक्या वाढवून तेथे कडक तपासणी केली जात आहे. वाहनांची झडती घेतली जात आहे..राज्य उत्पादन शुल्क विभागाचे मनुष्यबळ मर्यादित आहे. त्यावर मात करून आमचा सर्व प्रकारच्या बेकायदा मद्यव्यवसायावर कठोर आणि नियमित कारवाई करून सरकारचे महसुली नुकसान रोखण्याचा आमचा प्रयत्न असतो.- प्रसाद सुर्वे, संचालक, अंमलबजावणी व दक्षता, राज्य उत्पादन शुल्क विभाग.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
