माढा मतदारसंघाला दरदिवसाला मिळतो 30 कोटींचा निधी; खासदार निंबाळकरांच्या दाव्याने आश्चर्य

मुंबईः माढा मतदारसंघाला दरदिवसाला ३० ते ४० कोटी रुपयांचा निधी मिळत असल्याचा दावा खासदार रणजितसिंह नाईक निंबाळकर यांनी केला आहे.

भाजप खासदार रणजितसिंह नाईक निंबाळकर म्हणाले की, २०१९ नंतर माढा मतदारसंघाला ५० ते ६० हजार कोटी रुपयांचा निधी मिळाला आहे. हा विक्रमी स्वरुपात निधी मिळाल्याचं रणजितंसिंह नाईक निंबाळकर म्हणाले.

हेही वाचाः शॉर्ट सेलर्स म्हणजे नक्की कोण?

खासदार निंबाळकर पुढे म्हणाले की, माढा मतदारसंघाला राज्यातून मिळालेला निधी सोडा, खासदारकीचा मिळालेला निधी आणि विकासकामांचा आढावा घेतल्यास दरदिवसाला ३० ते ४० कोटी रुपयांचा निधी मिळाला आहे. मतदारसंघात झालेल्या रस्त्याच्या कामामुळे मोठ्या प्रमाणावर निधी मिळाल्याचं ते म्हणाले.

२०१९नंतर माढा मतदारसंघात मोठ्या प्रमाणावर विकासकामे झाल्याचं ते म्हणाले. खासदार रणजितंसिंह नाईक निंबाळकर यांनी माढा मतदारसंघाला मिळालेल्या निधीवरुन केलेल्या दाव्याचं आश्चर्य व्यक्त होत आहे.