Rahul Narwekar : महाराष्ट्र दारूबंदी सुधारणा विधेयक अर्थसंकल्पीय अधिवेशनात सादर करण्याच्या विधानसभा अध्यक्षांच्या सूचना

औसा : महाराष्ट्र दारूबंदी सुधारणा विधेयक अर्थसंकल्पीय अधिवेशनात सादर करण्याच्या सूचना विधानसभा अध्यक्ष ॲड राहूल नार्वेकर यांनी दिल्या आहेत. महाराष्ट्र दारूबंदी कायद्याची प्रभावी अंमलबजावणी करून अवैध, बनावट व विषारी दारूविक्रीला आळा घालण्यासाठी आमदार अभिमन्यू पवार मागच्या काही वर्षांपासून पाठपुरावा करत असून त्याअनुषंगाने कायद्यात काही सुधारणा करण्यासंदर्भात आमदार पवार यांच्या मागणीवरून विधानसभा अध्यक्ष अ‍ॅड राहुल नार्वेकर यांच्या अध्यक्षतेखाली तसेच गृह, राज्य उत्पादन शुल्क, अन्न व औषध प्रशासन आणि विधी व न्याय विभागांच्या राज्यमंत्र्यांच्या/प्रमुख अधिकाऱ्यांच्या उपस्थितीत मुंबई येथे गुरुवारी (ता.२३) जानेवारी बैठक पार पडली या बैठकीत या सूचना विधानसभा अध्यक्षांनी दिल्या आहेत.