क्रॉस वोटिंग, सत्तापालट; काँग्रेस हायकमांडने मागवला राज्याचा अहवाल

नवी दिल्ली : एकनाथ शिंदे (Eknath Shinde) यांनी बंड केल्यानंतर महाविसकास आघाडी सरकार कोसळले आणि शिंदे यांनी भाजपसोबच आपलं सरकार स्थापन केलं. यानंतर नव्या सरकारला बहुमत चाचणीला सामोरं जावं लागलं होतं. यावेळी गैरहजर राहिलेल्या काँग्रेसच्या ११ आमदारांना पक्षाने नोटीस पाठवली होती.

यानंतर आता या प्रकरणात काँग्रेसच्या केंद्रीय नेतृत्वाने लक्ष घातलं असून काँग्रेसच्या केंद्रातील नेतृत्वाने महाराष्ट्रातील काँग्रेसच्या सध्याच्या परिस्थितीचा अहवाल मागवला आहे. काँग्रेसच्या राजकीय घडामोडींचा अहवाल सादर करण्यासाठी मोहन प्रकाश यांची नियुक्ती करण्यात आली आहे.

(maharashtra congress political development report)

सध्या महाराष्ट्रातील राजकारण ढवळलं गेलं असून मागच्या पंधरा वीस दिवसांतील राजकीय घडामोडीमुळे महाराष्ट्रात सत्तांतर झालं आहे. तर विधानपरिषद निवडणुकीत शिवसेनेच्या आणि काँग्रेसच्या आमदारांनी क्रॉसवोटिंग केल्याचा आरोप होत होता. पण त्यानंतर शिंदे यांनी शिवसेनेच्या आमदारांना घेऊन केलेल्या बंडामुळे नवं सरकार स्थापन झालं आणि नव्या सरकाचा बहुमत चाचणीचा कार्यक्रम विधानसभेत पार पडला.

त्यामध्ये काँग्रेसच्या ११ आमदार गैरहजर होते. या ११ आमदारांना पक्षाने नोटीस बजावण्यात आली असून यात माजी मुख्यमंत्री अशोक चव्हाण यांचाही समावेश आहे. या पार्श्वभूमीवर काँग्रेसच्या नेतृत्वाने या घडामोडीवर अहवाल सादर करण्यासाठी मोहन प्रकाश यांची नियुक्ती करण्यात आली आहे.