राज्यात दिवसभरात 39,207 रुग्ण; एकही ओमिक्रॉनबाधित नाही

मुंबई: आज राज्यामध्ये 39,207 नवे कोरोना रुग्ण सापडले आहेत. आज राज्यामधील एकूण 38,824 रुग्णांना डिस्चार्ज देण्यात आला आहे. सध्या राज्यातील एकूण ऍक्टीव्ह रुग्णसंख्या ही 2,67,659 आहे. तर आज 53 रुग्णांचा मृत्यू झाला आहे. आज राज्यामध्ये एकाही ओमिक्रॉनबाधित रुग्णाची नोंद झालेली नाहीये.

आजपर्यंत राज्यामध्ये एकूण 68,68,816 कोविड-19 रूग्णांना पूर्ण बरे झाल्यानंतर डिस्चार्ज देण्यात आला आहे. सध्या राज्यातील रिकव्हरी रेट 94.32% आहे तर राज्यामध्ये मृत्यूचे प्रमाण 1.94% आहे. आजपर्यंत 7,23,20,366 प्रयोगशाळा नमुन्यांपैकी 72,82,128 चाचण्या पॉझिटिव्ह (10.07%) आढळल्या आहेत. सध्या 23,44,919 लोक होम क्वारंटाईनमध्ये आहेत आणि 2,960 लोक संस्थात्मक क्वारंटाईनमध्ये आहेत.

मुंबईची रुग्णसंख्या दिवसेंदिवस कमी आढळत आहे. गेल्या काही दिवसांपूर्वी मुंबईमध्ये २० हजारहून अधिक रुग्ण सापडत होते. मात्र, आता ही रुग्णसंख्या सात हजारापेक्षाही कमी सापडत आहे. आज मुंबईमध्ये फक्त ६,१४९ रुग्ण आढळले आहेत. तर दिवसभरात ७ मृत्यू झाले आहेत.