सन्मती सहकारी बँक लि. इचलकरंजीच्या अब्दुललाट शाखेतील बोगस कर्ज प्रकरणात कारवाई न झाल्याच्या निषेधार्थ सचिन मेथे व त्यांच्या पत्नी संगीता मेथे यांनी आज 15 ऑगस्ट रोजी कुरुंदवाड पोलिस ठाण्यासमोर आत्मदहनाचा प्रयत्न केला. डिझेल ओतून स्वतःला पेटवून घेण्याचा प्रयत्न करत असताना पोलिसांनी प्रसंगावधान राखून त्यांना ताब्यात घेतले. या घटनेदरम्यान पोलिस व तक्रारदारांमध्ये झटापटही झाली.