Latest Marathi News Live Update
esakal
हडपसर: न्यायालयीन कामकाज सुरू असताना सर्वोच्च न्यायालयाचे मुख्य न्यायाधीश भूषण गवई यांच्यावर झालेल्या हल्ल्याचा स्वाक्षरी मोहीम आंदोलन करून निषेध नोंदविण्यात आला. येथील राजमाता जिजाऊ चौकात संयुक्त बुध्द विहार समितीच्या वतीने हे आंदोलन करण्यात आले.
बीड तालुक्यातील पाली येथील स्मशानभूमीमध्ये अंत्यविधी सुरू असतानाच भरधाव वेगाने येणारा पिकअप अंत्यविधी कार्यक्रमात घुसल्याने एक जणाचा जागीच मृत्यू झाला तर एक जण गंभीर असून सात ते आठ जण जखमी झाले आहे. जखमींवर बीड शहरातील विविध हॉस्पिटलमध्ये उपचार सुरू आहेत.
पारगाव: टाव्हरेवाडी ता. आंबेगाव येथे बुधवारी सायंकाळी बुधा बारकू चोरामले या मेंढपाळाच्या ३० मेंढ्यांना विषबाधा होऊन १५ मेंढ्यांचा मृत्यू झाला तर परिसरातील खासगी पशुवैद्यकांनी वेळीच उपचार केल्याने १५ मेंढ्यांना वाचवण्यात यश आले. विषबाधेचे कारण समजू शकले नाही.
कांकेरमध्ये ५० सीपीआय माओवाद्यांनी ३९ शस्त्रांसह आत्मसमर्पण केले.
शेतकऱ्यांना सरसकट कर्जमाफी तसेच बाधित शेतकऱ्यांना हेक्टरी ५० हजार मदत मिळावी यासह विविध मागण्यांसाठी महाविकास आघाडीतर्फे आक्रोश मोर्चाचे आयोजन करण्यात आले होते. शहरातील छत्रपती शिवाजी महाराज नाट्यगृह ते तहसील कार्यालयापर्यंत मोर्चा काढण्यात आला.यावेळी महायुती शासनाविरुद्ध जोरदार घोषणाबाजी करण्यात आली.तहसील कार्यालयाबाहेर आल्यावर मोर्चाचे सभेत रूपांतर झाले. यावेळी माजी खासदार उन्मेष पाटील,काँग्रेस किसान सेल चे प्रदेशाध्यक्ष किरण पाष्टे,माजी आमदार डॉ. बी. एस.पाटील यांनी शासनाच्या धोरणावर जोरदार टीका केली.
महाराष्ट्र नवनिर्माण सेनेचे अध्यक्ष राज ठाकरे यांनी निवडणूक आयोगावर गंभीर आरोप करत कांदिवली (पूर्व) मतदार यादीतील मोठ्या घोळाचा मुद्दा उचलला आहे. महाविकास आघाडीच्या पत्रकार परिषदेत ठाकरे म्हणाले, “काही ठिकाणी वडील आहेत की मुलगा, हेच कळत नाही. यादीत ११७ ते १२४ वर्षे वयाच्या मतदारांची नावे आहेत आणि काही जण ज्या पत्त्यावर दाखवले आहेत, तेथे वास्तव्यासच नाहीत.” या पार्श्वभूमीवर कांदिवलीतील स्थानिक मनसे पदाधिकारी दिनेश साळवी आणि नयन कदम यांनी प्रत्यक्ष पाहणी केली असता, मतदार यादीत नमूद केलेल्या पत्त्यांवर असे कोणतेही मतदार वास्तव्यास नसल्याचे स्पष्ट झाले आहे. यामुळे ठाकरे यांनी केलेल्या आरोपांवर आता शिक्कामोर्तब झाले असल्याचे दिसून येत आहे.
विद्यार्थी व शिक्षकाच्या नात्याला काळीमा फासणारी घटना हिंगोलीत घडली. निवासी आश्रम शाळेत शिक्षणासाठी आलेल्या अकरा वर्षाच्या विद्यार्थिनीला नराधम शिक्षकाने रात्री दहा वाजता झोपेतून उठून तिच्यासोबत अश्लील कृत्य केले.
अमळनेर: शेतकऱ्यांना सरसकट कर्जमाफी तसेच बाधित शेतकऱ्यांना हेक्टरी ५० हजार मदत मिळावी यासह विविध मागण्यांसाठी महाविकास आघाडीतर्फे आक्रोश मोर्चाचे आयोजन करण्यात आले होते.
मेट्रो मार्ग ३ प्रवाशांसाठी एमएमआरसी आणि सिटीफ्लोकडून फीडर बस सेवा सुरू!
BKC, वरळी आणि CSMT येथून प्रवाशांना मिळणार सोयीस्कर जोडणी!
दर १० मिनिटांनी धावतील बस; प्रवास भाडे फक्त ₹२९!
मासिक पास ₹४९९ मध्ये उपलब्ध; तिकिट सिटीफ्लो आणि मेट्रोकनेक्ट३ अ‍ॅपवर!
एमएमआरसी आणि सिटीफ्लोचा शाश्वत, तंत्रज्ञानाधारित प्रवासाचा उपक्रम!
खासगी वाहनांवरील अवलंबित्व कमी करण्यासाठी मोठे पाऊल!
कोल्हापूर
एसटी महामंडळाच्या संचालक बैठकी तुंबळ हाणामारी
सदावर्ते गटाच्या संचालकांचा भ्रष्टाचार बाहेर काढण्याचा प्रयत्न आणि तसा ठराव संचालकांच्या बोर्ड मीटिंगमध्ये मांडला म्हणून सदावर्ते गटाकडून हल्ल्याचा प्रयत्न
सदरची माहिती आणि भ्रष्टाचार बाहेर जाईल या भीतीने सदावर्ते गटाच्या संचालकांनी आमच्या संचालकांवर हल्ला केला
बाहेरील स्त्रिया बोलून स्वाभिमानी अडसूळ गटाच्या गटाच्या संचालकांना मारहाण केल्याचा सत्ताधाऱ्यांचा आरोप
तर लैंगिक शोषणाचे आरोप असलेले संचालक बैठकीत आल्याचा जाब विचारायचा सदावर्ते गटाचा आरोप
मुंबई सुरू होती एसटी महामंडळाच्या संचालकांची बैठक
पालघर - बोईसर तारापूर एमआयडीसी पुन्हा एकदा वायुगळती . तारापूर औद्योगिक क्षेत्रातील आदित्य इंडस्ट्री या कारखान्यात वायू गळती झाल्याचा प्रकार समोर . कामगारांना श्वसनाचा तसेच त्वचेचा त्रास जाणवू लागल्याने प्रकार उघडकीस . उत्पादन सुरू असताना डायर मशीन मध्ये बॅग पाठवून झालेल्या दुर्घटनेमुळे वायु गळती झाल्याची माहिती.
‘तुमच्या मोबाईल सिमकार्डवरून संशयास्पद आर्थिक व्यवहार झाले आहेत. पोलिसांत याबाबत तक्रार आली आहे...’ अशी भीती दाखवत सायबर चोरट्यांनी डेक्कन परिसरातील एका ज्येष्ठ नागरिकाची १९ लाख ८० हजार रुपयांची फसवणूक केली. याबाबत डेक्कन पोलिस ठाण्यात गुन्हा दाखल करण्यात आला आहे.
पुण्यातील रेल्वे स्टेशन परिसरातील धक्कादायक प्रकार..
मार खाणारा तरुण विणवणी करत असताना सुद्धा हातातील बांबूने बेदम मारहाण.
मारहाणी चा व्हिडिओ सोशल माध्यमावर व्हायरल..
पोलिस अधिक तपास करत आहेत
मुंबई एसटी बँकेत गुणरत्न सदावर्ते आणि शिंदे सेनेत राडा
वकील गुणवर्ते सदावर्ते यांना मारहाण
उपमुख्यमंत्री अजित पवार यांच्या उपस्थितीत पुणे विभागीय कार्यालयात बैठक सुरू झाली आहे.
या बैठकीस जिल्हाधिकारी आणि पुणे महानगरपालिकेचे आयुक्त उपस्थित असून, विविध विभागांच्या स्वतंत्र बैठकाही सुरू आहेत. तसेच द्राक्ष बागायतदारांची विशेष बैठकही बोलावण्यात आली आहे.
मुंब्रा परिसरात दोन शाळकरी मुलांच्या गटांमध्ये झालेली जोरदार हाणामारी समोर आली आहे.
हा प्रकार खडी मशीन परिसरात शाळा सुटण्याच्या वेळी घडला. दोन्ही गट एकत्र येत भांडण करत असल्याचे पाहून स्थानिक नागरिकांनी हस्तक्षेप करून ही हाणामारी थांबवली.
मुंबई-अहमदाबाद राष्ट्रीय महामार्गावर सलग चौथ्या दिवशीही भीषण वाहतूक कोंडी झाली
मुंबईहून गुजरातच्या दिशेने जाणाऱ्या लेनवर दहा ते पंधरा किलोमीटरपर्यंत अवजड वाहनांच्या रांगा लागल्याने वाहनचालक त्रस्त झाले आहेत.
या कोंडीचा फटका चाकरमान्यांसह ग्रामीण भागातील नागरिकांनाही बसला आहे.
स्थानिक प्रशासनाच्या ढिसाळ नियोजनामुळे महामार्गावरील वाहतूक कोंडीचा प्रश्न अधिक गंभीर बनला आहे.
परिसरातील शाळकरी मुलांना देखील किलोमीटर पर्यंत शाळेत पायी चालत जावं लागत आहे.
मागील पाच वर्षांत निवडणुकाच झाल्या नाहीत. याद्या सुधारण्यासाठी आणखी सहा महिने गेले तर काय फरक पडणार आहे. याद्या सुधारल्याशिवाय निवडणुका घेऊच नयेत, असे राज ठाकरे म्हणाले.
2024 नंतर जी यादी जाहीर केली त्यात फक्त नाव आहेत ..बाकीची काही माहिती नाही. दोन्ही आयोग एकमेकावर ढकलत आहेत. मतदार याद्या न दाखवून काय मिळणार आहे. जो वर मतदार याद्यात सुधारणा होत नाही तो पर्यंत निवडणूक घेऊ नका. 5 वर्ष निवडणुका झाल्या नाही अजून याद्या दुरुस्त करण्यासाठी 6 महिने घ्या. आता ते काय निर्णय घेत आहेत ते पाहू आणि ते निर्णय आम्ही तुम्हाला सांगू, असे राज ठाकरे म्हणाले.
निवडणूक ही गोष्ट म्हटल्यानंतर राजकीय पक्ष आले. आणि मतदार आला. आयोग ही फक्त निवडणूक घेतात. परंतु राजकीय पक्ष निवडणूक लढवतात. राजकीय पक्षांना आयोग मतदार याद्या दाखवतच नसेल, तर पहिला घोळ इकडे आहे. २०२४ च्या आधीच्या आणि आताच्या दोन याद्या राज ठाकरेंनी प्रसारमाध्यमांना दाखवल्या.
माजी खासदार संजयकाका पाटील आणि माजी आमदार विलासराव जगताप यांच्यासह १३ जणांवर गुन्हे दाखल.
कवठेमहांकाळ पोलीस ठाण्यात झाला गुन्हा दाखल.
जिल्हाधिकाऱ्यांच्या प्रतिबंधात्मक आदेशाचे उल्लंघन केल्या प्रकरणी १३ जणांविरुद्ध गुन्हा दाखल.
शेतकऱ्यांच्या विविध मागणीसाठी कवठेमहांकाळ मध्ये करण्यात आला होता चक्काजाम आंदोलन.
तर रीतसर परवानगी घेऊन आंदोलन केल्याचं संजयकाका पाटील यांचे स्पष्टीकरण
मनसे अध्यक्ष राज ठाकरे यांनी निवडणूक आयोगावर जोरदार टीका केली. ते म्हणाले, बाळासाहेब थोरात यांना आधीच्या ८ टर्ममध्ये साधारण ८०-९० हजार मतांनी विजय मिळाला, तर यंदा त्यांची मतसंख्या लाखांवरून घसरली. ठाकरे म्हणाले की, निवडणूक आयोगाने सत्ताधारी असणाऱ्या तीन पक्षांसाठी काम करु नये.
मुख्यमंत्री देवेंद्र फडणवीस म्हणाले, "माओवादाच्या विरोधातल्या लढाईत आपण सर्वजण एक आहोत, मग ते छत्तीसगड असो, महाराष्ट्र असो किंवा तेलंगणा... आमचे पोलिस बऱ्याच काळापासून भूपतीच्या संपर्कात होते. त्यानंतर, आमचे पोलिस आणि प्रशासन ज्या प्रकारे त्यांच्याशी वागले, ज्या प्रकारे एक विश्वास निर्माण झाला, त्यातून एक संकेतही मिळाला आणि त्यानंतर या आत्मसमर्पणाचा फायदा छत्तीसगड, महाराष्ट्र, तेलंगणाला झाला आहे..."
मराठा क्रांती मोर्चाचे राज्य समन्वयक महेश डोंगरे यांना माजी मंत्री धनंजय मुंडे यांच्या कार्यकर्त्यांकडून जीवे मारण्याची धमकी दिल्याचा आरोप आहे. डोंगरे यांनी मुंडे यांच्या विरोधात केलेल्या वक्तव्यांनंतर ही धमकी आल्याचं सांगितलं जातं. संतोष देशमुख नावाच्या व्यक्तीने सात वेळा फोन करून धमकी दिल्याची ऑडिओ क्लिप सोशल मीडियावर व्हायरल झाली आहे.
महाविकास आघाडीतील नेत्यांचं शिष्टमंडळ आज पुन्हा राज्य निवडणूक आयोगाच्या अधिकाऱ्यांना भेटले असून बैठक संपली आहे. निवडणुकीसंदर्भात विविध तक्रारी आणि आक्षेप यावर चर्चा झाली. आज, 15 ऑक्टोबर रोजी देशभरातही महत्त्वाच्या राजकीय हालचाली सुरू आहेत.
सर्वपक्षीय शिष्टमंडळाची बैठक सुरु झाली असून यामध्ये सर्व राजकीय पक्षांचं एकमत होत नाही, तोवर निवडणुका घेऊ नका. निवडणूक आयोगानं जाहीर केलेला कार्यक्रम रद्द करा, अशी मागणी राज ठाकरेंनी केली आहे. त्याचबरोबर आमचं तुमचं करू नका, आमच्यासाठी निवडणूक आयोग एकच आहे. सत्तेतील ३ पक्षांसाठी तुम्ही करत आहात का, असा प्रश्न देखील राज ठाकरे यांनी केला.
सर्वपक्षीय शिष्टमंडळाची बैठक सुरु झाली असून यामध्ये शेकापचे जयंत पाटील आक्रमक झाल्याची माहिती समोर आली आहे. कामठी मतदारसंघात घर क्रमांक ०, राहणाऱ्यांची संख्या ४०० असे म्हणत त्यांनी संताप व्यक्त केला. तसेच बोगस मतदारांवर अंकुश का नाही? असाही सवाल करत 'आम्हाला फालतू उत्तर देऊ नका' असे म्हणत संताप व्यक्त केला.
कार्तिकी एकादशीची विठ्ठल-रुक्मिणीची शासकीय महापूजा उपमुख्यमंत्री एकनाथ शिंदे यांच्या हस्ते होणार आहे. विठ्ठल रुक्मिणी मंदिर समितीने उपमुख्यमंत्री एकनाथ शिंदे यांना शासकीय महापूजा येण्यासाठीचे निमंत्रण दिले आहेत.
गडचिरोलीचे नक्षलवाद्यांच्या आत्मसमर्पणास मुख्यमंत्री देवेंद्र फडणवीस उपस्थित आहेत. यावेळी त्यांनी भाषणात संविधानाचा आदर करणाऱ्यांच्या पाठीशी देश उभा राहील, असे म्हटले.
समीर पाटील यांनी अब्रुनुकसानीची नोटीस पाठवल्यानंतर पत्रकारांशी बोलताना माजी आमदार रवींद्र धंगेकर म्हणाले की, निलेश घायवळ पळून गेला ही सत्य परिस्थिती आहे. माझा साधा प्रश्न होता की ही गुन्हेगारी करणारी लोक तुमच्या बाजूला आहेत. हे कोण आहेत? गुन्हेगारांचा प्रश्न विचारला होता. समीर पाटील कोण आहे हाच मला माहिती नव्हता.
घायवळ टोळीच्या काही सदस्यांचे अमली पदार्थ रॅकेट असल्याचा संशय व्यक्त केला जातोय. कोथरूड गोळीबार प्रकरणातील एका फरार आरोपीला अटक करण्यात आली आहे. अटक केलेल्या आरोपीकडे गांजा आढळून आला आहे. मुसाब इलाई शेख असे अटक केलेल्या घायवळ टोळीतील सदस्याचं नाव आहे.
समीर पाटील यांनी माजी आमदार रवींद्र धंगेकर यांना नोटीस पाठवली होती. ही नोटीस रवींद्र धंगेकर यांना मिळाली आहे. धंगेकरांनी केलेल्या विधानांचा उल्लेख या नोटीसीत करण्यात आलाय. अब्रुनुकसानीच्या दाव्याबाबत ही नोटीस असून आता धंगेकर काय उत्तर देणार याकडे लक्ष लागून राहिलं आहे
झुबीन गर्ग मृत्यू प्रकरणासंदर्भात एसआयटी/सीआयडीने अटक केलेल्या श्यामकानु महंता, सिद्धार्थ शर्मा आणि इतरांना आज न्यायालयात हजर केले जात आहे.
सावंतवाडी शहरातील बाहेरचावाडा परिसरातील एका घरात गोमांस साठवल्या प्रकरणी सावंतवाडी पोलिसांनी मोठी कारवाई करत दोघांना ताब्यात घेतले आहे.
या कारवाईत पोलिसांनी सुमारे ८० किलो गोवंश सदृश्य मांस जप्त केले असून, याप्रकरणी सरफराज भाऊद्दीन ख्वाजा आणि सनोबर भाऊद्दीन ख्वाजा या दोघांना ताब्यात घेतले आहे. अटक करण्यात आलेल्या आरोपींच्या घराची झडती घेण्यासाठी पोलीस पोहचले असता, घरातील व्यक्तींनी सुरुवातीला दरवाजे उघडण्यास नकार दिला. मात्र पोलीसांनी खाक्या दाखवताच संशयितांनी दरवाजा उघडला. यावेळी घरात सुमारे ८० किलो गोवंश सदृश्य प्राण्याचे मांस मिळून आले.
सकाळपासूनच जिल्हा ढगाळ वातावरण; जिल्ह्याला पुन्हा पाऊस झोडपणार छत्रपती संभाजीनगर सह मराठवाड्यातील जालना, बीड, परभणी, हिंगोली, धाराशिव, लातूर आणि नांदेड या जिल्ह्यांनाही येलो अलर्ट. मराठवाड्यातला शेतकरी अतिवृष्टीतून सावरत असतानाच पुन्हा पावसाचे संकट.आभाळात ढग दाटल्याने शेतकऱ्यांची चिंता वाढली.
बुधवारी पहाटे एल.टी. रोडवरील क्रॉफर्ड मार्केटमध्ये आग लागली. ही घटना पहाटे २.१३ वाजता कळली आणि मुंबई अग्निशमन दलाने (एमएफबी) पहाटे २.२८ वाजता लेव्हल-१ आग घोषित केली. अग्निशमन अधिकाऱ्यांच्या म्हणण्यानुसार, ही आग इलेक्ट्रिक वायरिंग, इन्स्टॉलेशन्स, विंडो एसी युनिट, एलईडी टीव्ही, सिलिंग फॅन, फॉल्स सिलिंग, सीसीटीव्ही कॅमेरा, लाकडी फर्निचर, प्लास्टिक शीट्स आणि एका मजली इमारतीच्या तळमजल्यावर १५x५० चौरस फूट परिसरात साठवलेल्या पेडिग्री पाळीव प्राण्यांच्या अन्नाच्या साठ्यात मर्यादित होती. अनेक अग्निशमन गाड्या घटनास्थळी दाखल झाल्या आणि पहाटे ४ वाजेपर्यंत आग पूर्णपणे विझवण्यात आली. या घटनेत कोणतीही जीवितहानी झालेली नाही. आगीचे कारण अद्याप स्पष्ट झालेले नाही.
बंगळूर : राज्यातील भ्रष्ट अधिकाऱ्यांवर लोकायुक्तांचे छापे सुरूच आहेत. मंगळवारी पहाटे राज्यभरात १२ ठिकाणी लोकायुक्तांनी छापे टाकले. लोकायुक्तांनी हासन, गुलबर्गा, चित्रदुर्ग, उडुपी, दावणगेरे, हावेरी, बागलकोट आणि बंगळूर शहरात छापे टाकून झाडाझडती घेतली.
बंगळुर : कर्नाटकातील स्थानिक स्वराज्य संस्थांच्या निवडणुकांसाठी अखेर वेळ निश्चित झाली आहे, असे दिसत आहे. चार ते पाच वर्षांपासून तालुका पंचायत, जिल्हा पंचायतीच्या निवडणुकाच नाहीत. जिल्हा, तालुका पंचायत आणि बृहन् (ग्रेटर) बंगळूरच्या पाच महानगरपालिकांच्या निवडणुका घेण्याचा काँग्रेस सरकारने अखेर निर्णय घेतला आहे.
पुणे शहरात आजी-माजी नगरसेवक, तसेच विविध पक्षातील मुख्य पदाधिकारी भाजपमध्ये प्रवेश करणार आहेत. मुख्यमंत्री देवेंद्र फडणवीस यांच्या उपस्थितीत "मेगा प्रवेश" सोहळा होणार आहे. येत्या काही दिवसांत या "मेगा प्रवेश सोहळ्या"चे आयोजन केले जाणार आहे.
नवी दिल्ली : बिहार विधानसभा निवडणुकीसाठी भाजपने ७१ उमेदवारांची पहिली यादी जाहीर केली आहे. या यादीत विजय सिन्हा आणि सम्राट चौधरी या दोन्ही उपमुख्यमंत्र्यांसह रामकृपाल यादव, रेणू देवी, मंगल पांडे अशा दिग्गज नेत्यांचा समावेश आहे. मावळत्या विधानसभेचे अध्यक्ष नंदकिशोर यादव यांचे पाटणा साहिब मतदारसंघातून तिकीट कापण्यात आले आहे. सम्राट चौधरी हे तारापूरमधून तर विजय सिन्हा हे लखीसराय येथून निवडणूक लढतील. रामकृपाल यादव हे दानापूर मतदारसंघातून मैदानात उतरणार आहेत.
बेळगाव : भाषावादाच्या मुद्द्यावरून पुन्हा एकदा बेळगावात तणाव निर्माण झाला आहे. महाराष्ट्र एकीकरण समितीचे युवा नेते शुभम शेळके यांच्याविरुद्ध माळमारुती पोलिस ठाण्यात सोमवारी (ता. १३) गुन्हा दाखल केला असून, मंगळवारी (ता. १४) सकाळी पोलिसांनी कारवाई केली आहे. या प्रकरणांमध्ये शेळके यांना कारणे दाखवा नोटीस बजावून मंगळवारी (ता. १४) ताब्यात घेतले.
सातारा : ज्येष्ठ कर सल्लागार, साहित्यिक, चित्रपट निर्माते, दिग्दर्शक व ज्येष्ठ सामाजिक नेते अरुणराव रामकृष्ण गोडबोले (वय ८२) यांचे काल निधन झाले. त्यांच्या मागे पत्नी अनुपमा, मुलगा उदयन, सून संजीवनी, मुलगी डॉ. गौरी ताम्हणकर, जावई डॉ. हेमंत ताम्हणकर, बंधू अशोक व डॉ. अच्युत, पुतणे प्रद्युम्न व डॉ. चैतन्य, नातवंडे असा मोठा परिवार आहे. त्यांच्या निधनाचे वृत्त समजताच चिंतामणी नर्सिंग होम आणि त्यांच्या निवासस्थानी सातारकरांनी गर्दी केली होती. आज (बुधवार) सकाळी १० वाजता शनिवार पेठेतील ‘आनंदी निवास’ या त्यांच्या घरापासून त्यांची अंत्ययात्रा निघणार आहे.
Latest Marathi Live Updates 15 October 2025 : ज्येष्ठ नेते कॉ. गोविंद पानसरे यांच्या हत्येप्रकरणी कारागृहात असलेले संशयित डॉ. वीरेंद्र तावडे, शरद कळसकर आणि अमोल काळे या तिघांचा जामीन अर्ज मंजूर झाला. इचलकरंजीतील चंदूर (ता. हातकणंगले) येथे सोशल मीडियावर दोन समाजांमध्ये जातीय तेढ निर्माण होईल, असा आक्षेपार्ह मजकूर ‘पोस्ट’ केल्याने तणाव निर्माण झाला. जम्मू-काश्‍मीरमधील कुपवाडा जिल्ह्यातील नियंत्रण रेषा ओलांडून येण्याचा प्रयत्न करणाऱ्या दोन दहशतवाद्यांना जवानांनी गोळ्या घालून ठार केले. बिहार विधानसभा निवडणुकीसाठी भाजपने ७१ उमेदवारांची पहिली यादी जाहीर केली आहे. भाषावादाच्या मुद्द्यावरून पुन्हा एकदा बेळगावात तणाव निर्माण झाला आहे. महाराष्ट्र एकीकरण समितीचे युवा नेते शुभम शेळके यांच्याविरुद्ध माळमारुती पोलिस ठाण्यात सोमवारी (ता. १३) गुन्हा दाखल केला असून, मंगळवारी (ता. १४) सकाळी पोलिसांनी कारवाई केली आहे. खोकल्याचे औषध घेतल्याने मध्य प्रदेश, राजस्थान येथे लहान बालके दगावल्याचा प्रकार उघडकीस आल्यानंतर संबंधित वादग्रस्त कंपनीविरुद्ध कारवाई सुरू झाली आहे. आता, जागतिक आरोग्य संघटनेने भारतातील खोकल्याचे औषध कोल्ड्रिफ, रेस्पिफ्रेश टीआर आणि रिलाइफ यांच्याविरोधात इशारा जारी करत ते निकृष्ट दर्जाचे जाहीर केले आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.