Sharad Pawar : राज्यात तीन महिन्यानंतर महाविकास आघाडीचे सरकार येईल

कवठे महांकाळ - राज्यात तीन महिन्यानंतर महाविकास आघाडीचे सरकार येईल, असा दावा ज्येष्ठ नेते शरद पवार यांनी केला. येथील महांकाली साखर कारखान्याच्या परिसरात आज झालेल्या शेतकरी मेळाव्यात ते बोलत होते.

युवक नेते रोहित पाटील यांच्या वाढदिवसानिमित्ताने या मेळाव्याचे आयोजन करण्यात आले होते. या वेळी आमदार सुमन पाटील, आमदार अरुण लाड, महांकाली साखर कारखान्याच्या अध्यक्ष अनिता सगरे यांची प्रमुख उपस्थिती होती. रोहित पाटील, लाड यांनीही मनोगत व्यक्त केले.

रोहितच्या पाठीशी उभे राहा

शरद पवार म्हणाले, ‘जिवाभावाचा, स्वच्छ भूमिकेचा प्रामाणिक सहकारी म्हणून मी माजी उपमुख्यमंत्री आर. आर. पाटील यांनी साथ दिली. त्यांच्या विचारांचा वारसा घेऊन आमदार सुमन पाटील आणि रोहित पाटील काम करीत आहेत. येत्या काळात महाराष्ट्रात परिवर्तन करण्याचा निर्धार जनतेने केला आहे. अशावेळी तुम्ही रोहितच्या पाठीशी ठामपणे उभे राहा.’