Beed News: मराठा आरक्षण लढ्याचे नेते मनोज जरांगे पाटील हे बीडमध्ये मराठा मेळाव्यासाठी हजर होते. कार्यक्रमादरम्यान स्टेजवरच त्यांना चक्कर आली. त्यामुळे त्यांना पुढील उपचारांसाठी रुग्णालयात हलवलं आहे..मराठा मेळाव्यामध्ये भाषण सुरु असताना मनोज जरांगे यांना बोलणं अवघड जात होतं. भाषणादरम्यानच डॉक्टर त्यांच्यावर लक्ष ठेऊन होते. भाषण संपल्यानंतर स्टेजवरुन उतरत असताना जरांगेंना चालणं सोडा उभं राहाणं अवघड झालं होतं. त्यामुळे ते चक्कर किंवा अशक्तपणा येऊन जागेवरच बसले. त्यानंतर स्वयंसेवकांनी त्यांना रुग्णवाहिकेतून रुग्णालयात दाखल केलं..भाषणादरम्यान मनोज जरांगे पाटील अश्रू अनावर झाले होते. ते म्हणाले की, मी जीवंत आहे तोपर्यंत समाजासाठीच लढत राहणार आहे, कुणाच्या एका रुपयालाही हात लावणार नाही. मी समाजासाठी झपाटलेलो आहे. मराठा समाजातील लोक मला पुढे न्यायाचे आहेत. फक्त शरीराने साथ दिली पाहिजे. नाहीतरी बसल्या जागेवर मी लेकरांचं कल्याण करीन. मी आणि तुम्ही समाजासाठी काम करायचं ठरवलं तर आपल्याला कोणीच रोखू शकणार नाही..समाजापेक्षा मला कुणीही मोठं नाही. तुम्हाला कोणत्याही नेत्याने त्रास दिला तर मला सांगा, मी त्या नेत्याला पाडलंच म्हणून समजा. नोकरदार, व्यावसायिक कुणालाही त्रास झाला तर मला सांगा. फक्त तु्म्ही मला उघडं पडू देऊ नका, मीही तुम्हाला कधीच उघडं पडू देणार नाही, असं म्हणत जरांगे पाटलांनी भाषण संपवलं..भाषण संपल्यानंतर मनोज जरांगे पाटील यांना चालणं मुश्किल झालं होतं. पायऱ्या उतरताना त्रास होत होता, अचानक चक्कर आल्यासारखं झालं आणि ते खाली बसले. सोबत डॉक्टर होतेच. पु्न्हा उठून चालू लागले पण तरीही त्यांना खाली बसावं लागलं. यावेळी बीडचे निलंबित जिल्हा शल्यचिकित्सक डॉ. अशोक थोरात हेदेखील हजर होते. जरांगेंवर बीडमध्ये उपचार सुरु आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
