Manoj Jarange Patil : मनोज जरांगे पाटलांच्या कोअर कमिटीतील सदस्याला मोठा दणका; वाळू उत्खनन प्रकरणात ४.९० कोटींचा दंड कायम

Illegal Sand Mining in Godavari River : मराठा आरक्षणाच्या मुद्द्यावरून अंतरवाली सराटी येथे आमरण उपोषण करत राज्य सरकारचे लक्ष वेधून घेणारे मनोज जरांगे पाटील यांच्या कोअर कमिटीतील सदस्य संजय नानासाहेब कटारे यांच्याशी संबंधित अवैध वाळू उत्खनन प्रकरणात मोठी प्रशासकीय कारवाई करण्यात आली आहे. कटारे यांना ठोठावण्यात आलेला तब्बल ४ कोटी ९० लाख ७२ हजार २० रुपयांचा दंड कायम ठेवण्यात आला आहे. तत्कालीन तहसीलदारांनी कटारे यांना या दंडाच्या कारवाईतून वगळण्याचा दिलेला आदेश उपविभागीय अधिकाऱ्यांनी रद्द केला आहे.