मराठी विकिपीडिया होणार समृद्ध

marathi-wikipedia
marathi-wikipedia

मुंबई - मनात आलेल्या कोणत्याही प्रश्‍नाचे उत्तर विकिपीडियावर सहज मिळते, त्यामुळे मराठी विकिपीडिया अधिक समृद्ध करण्यासाठी विविध प्रकल्प हाती घेण्यात आले आहेत. मराठी विश्‍वकोश संकेतस्थळावरील माहितीही आता विकिपीडियावर उपलब्ध होणार आहे, त्यासाठी विश्‍वकोश मंडळ आणि विकिपीडिया यांच्यात नुकताच करार झाला.

मराठी विकिपीडियाची व्याप्ती वाढवण्यासाठी औरंगाबाद येथील डॉ. बाबासाहेब आंबेडकर मराठवाडा विद्यापीठाबरोबरही करार करण्यात आला आहे. विश्‍वकोशाच्या संकेतस्थळावर अपलोड होणारी माहिती मराठी विकिपीडियावरही उपलब्ध होईल. विश्‍वकोश मंडळाचे लेखक विकिपीडियासाठी लेखन करतील, असे मराठी विकिपीडियाचे प्रचालक आणि विकिपीडिया भारताचे अध्यक्ष राहुल देशमुख यांनी सांगितले.

ट्रान्सलेटरसाठी विद्यार्थ्यांची मदत
इंग्रजी भाषेतील माहिती मराठीत भाषांतरित करण्यासाठी ट्रान्सलेटर यंत्रणा अद्ययावत असणे आवश्‍यक आहे, त्यावर मराठवाडा विद्यापीठातील विज्ञान आणि तंत्रज्ञान विषयातील पीएच.डी.चे विद्यार्थी काम करत आहेत, असे राहुल देशमुख यांनी सांगितले. आवश्‍यक तेथे मानवी बुद्धिमत्तेचा हस्तपेक्ष असेल, त्यामुळे मराठी विकिपीडियासाठी चांगला मजकूर मिळेल, असा विश्‍वासही त्यांनी 
व्यक्त केला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com