‘दूध आणि तत्सम अन्नपदार्थातील भेसळ मानवी आरोग्याला घातक आहे. त्यामुळे अशी भेसळ करणाऱ्यांवर ‘मकोका’ अंतर्गत कडक कारवाई करण्यासाठी सध्याच्या कायद्यात आवश्यक त्या सुधारणा करण्यात येतील. त्यासंबंधीचा प्रस्ताव मंत्रिमंडळासमोर सादर करावा, असे निर्देश उपमुख्यमंत्री अजित पवार यांनी मंगळवारी दिले.
‘ॲनालॉग चीज’ हा पदार्थ राज्यात अनेक ठिकाणी ‘ॲनालॉग पनीर’ या नावाने विक्री होत असल्याची तक्रारी सदस्यांनी केल्या. पंढरपूर तालुक्यातील भोसे येथील एक प्रकरण उघडकीस आले.
त्याअनुषंगाने आज बैठकीचे आयोजन करण्यात आले होते. या बैठकीस अन्न व औषध प्रशासन मंत्री नरहरी झिरवाळ, राज्यमंत्री योगेश कदम, सुधीर मुनगंटीवार, विक्रम पाचपुते विविध विभागांचे वरिष्ठ अधिकारी उपस्थित होते.
दुधातील भेसळ तपासण्यासाठी तातडीने प्रत्येक विभागात एक प्रयोगशाळा सुरू करावी, पनीरमध्ये ‘ॲनालॉग चीज’ असल्यास त्यासंबंधीची माहिती दुकानात दर्शनी भागात लावण्यासंदर्भात सूचना द्याव्यात. दूध भेसळीसंदर्भात जनजागृती करण्यात यावी, जनतेला तक्रारी नोंदविण्यासाठी टोल फ्री क्रमांक योग्य प्रकारे कार्यान्वित करावा, पोर्टल विकसित करावे असे निर्देश पवार यांनी दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.