मुंबई : मुंबईतील 1993मध्ये झालेल्या साखळी बॉम्बस्फोटातील दोषी दहशतवादी जलीस अन्सारी मुंबईतून फरार झाला आहे. कुटूंबियांच्या भेटीसाठी तो मागच्या वर्षी पॅरोलवर तुरूंगाबाहेर आला होता. फरार झाल्यानंतर त्यांच्या कुटूंबियांनी जलीस बेपत्ता झाल्याची तक्रार अग्रीपाडा पोलिसांत नोंदवली आहे.
1993मध्ये मुंबईत झालेल्या साखळी बॉम्बस्फोटात जलीसचा हात होता. याशिवाय 50 हून अधिक साखळी बॉम्बस्फोटात जलीस आरोपी होता. आज जलीसच्या पॅरोलची मुदत संपणार होती आणि काल तो बेपत्ता झाल्याची तक्रार पोलिसांकडे आली. आज जलीसला अजमेर तुरूंगात हजर राहण्यास सांगितले मात्र त्यापूर्वी गुरूवारीच फरार झाला आहे.
अजमेर बॉम्बस्फोटातील मुख्य आरोपी म्हणून जलीसला जन्मठेपेची शिक्षा झाली होती. तो इंडियन मुजाहिद्दीन आणि सिमी या दहशतवादी संघटनांशी संबंधित होता. पाकिस्तानात बॉम्ब तयार करण्याचे प्रशिक्षण त्याने घेतले होते. अजमेरसह जयपूर आणि मालेगाव बॉम्बस्फोटात तो सहभागी असल्याची आरोप त्याच्यावर होता. काल जलीसचा मुलगा जैद याने पोलिसांत तक्रार दिल्यानंतर तो बेपत्ता झाल्याचे स्पष्ट झाले. महाराष्ट्र एटीएस आणि क्राईम ब्रान्च विभाग त्याचा शोध घेत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.