Fake Currency: ''नकली नोटा चलनात आणणं दहशतवादी कृत्यासारखं'' 2015च्या केसमध्ये चौघांना १२ वर्षांची शिक्षा

नागपूरः नागपुरातील विशेष एटीएस न्यायालयाने बनावट नोटा चलनात आणल्याप्रकरणी चौघांना बारा वर्षांची शिक्षा सुनावली आहे. नकली नोटा चलनात आणणं हे दहशतवादी कृत्यासारखं आहे, असं न्यायालयाने नमूद केलं.

२०१५ मधील ऑक्टोबर महिन्यामध्ये शालिमार एक्स्प्रेसमध्ये बनावट नोटा पकडण्यात आल्या होत्या. एटीएसने गोपनीय माहितीच्या आधारे साडेनऊ लाखांच्या नोटा जप्त केल्या होत्या. त्यावेळी एकाला ताब्यातही घेण्यात आलेलं. त्यानंतर पुन्हा तिघांना एटीएसने ताब्यात घेतलं. त्यांच्याकडूनही लाखो रुपयांच्या बनावट नोटा जप्त केल्या.

हेही वाचाः Gautami Patil- लावणीचा बाजच अश्लीलतेचा?

याप्रकरणी नागपूर एटीएसने तपास पूर्ण केला. त्यानंतर न्यायालयाने आज शेख गफ्फार, शेख सत्तार, मोहद ओबेदुल्ला, मीर अन्वरुल या चौघांना बारा वर्षांची कठोर शिक्षा सुनावली आहे. शिवाय चौघा आरोपींना ६२ लाखांचा दंड ठोठावण्यात आलाय. देशाची अर्थव्यवस्था भ्रष्ट करण्याचा हा प्रकार असून हा प्रकार दहशतवादी कृत्यासारखा असल्याचं न्यायालयाने म्हटलं आहे.

ही घटना नोटबंदीच्या अगोदर घडली होती. गोपनीय माहितीच्या आधारे एटीएसने शालिमार एक्स्प्रेसमधून एकाला ताब्यात घेतलं. त्यानंतर तीन आरोपींना नोटांसह ताब्यात घेण्यात आलेलं होतं.