Devendra Fadnavis : 2024मध्ये आमदार श्रीकांत हे निवडणूक इन्चार्ज; भाजकडून विजयाचा महासंकल्प

नाशिकः भाजपने 'महाविजय २०२४' हा संकल्प केला आहे. नाशिकमध्ये भाजप प्रदेशाध्यक्ष चंद्रशेखर बावनकुळे आणि उपमुख्यमंत्री देवेंद्र फडणवीस यांनी ही घोषणा केली. नाशिकमध्ये समर्पण दिनानिमित्त उपमुख्यमंत्री देवेंद्र फडणवीस कार्यकर्ता मेळाव्यात बोलत होते.

यावेळी बोलतांना देवेंद्र फडणवीस म्हणाले की, आगामी लोकसभेसाठी ४५ जागा आणि विधानसभेसाठी २०० जागांचं मिशन आहे. त्यामुळे कार्यकर्त्यांनी सर्वसामान्यांसाठी एकजुटीने कामाला लागलं पाहिजे.

यावेळी आमदार श्रीकांत भारतीय यांच्याकडे निवडणुकीची जबाबादारी देण्यात आलेली असून ते निवडणूक इन्चार्ज असतील. मला काय मिळणार, याचा विचार न करता पक्षकार्य कराव असं आवाहन फडणवीस यांनी कार्यकर्त्यांना केलं आहे.

फडणवीस यांच्या भाषणातले महत्त्वाचे मुद्दे...

• 'महाविजय २०२४' हा भाजपचा नवा संकल्प आहे

• लोकसभेसाठी मिशन- ४५, विधानसभेसाठी मिशन- २००; भाजप कार्यकारिणीमध्ये निर्णय

• मुख्यमंत्री एकनाथ शिंदे आणि आम्ही ट्वेंटी-२० ची बॅटिंग सुरु केली आहे

• भाजपने शत-प्रतिशत भाजपचा नारा याच भूमीमध्ये दिला होता

• महाराष्ट्रातला पहिल्या क्रमांकाचा आपणच आहोत, हे आता सिद्ध झालं आहे

'हे सरकार गद्दारांचं नसून खुद्दारांचं'

• आमदार श्रीकांत भारतीय हे निवडणूक इन्चार्ज, बावनकुळे-फडणवीस यांची घोषणा

• मला काय मिळणार, याचा विचार न करता कार्यकर्त्यांनी लोकांची सेवा करावी

• हे सरकार गद्दारांचं नसून खुद्दारांचं सरकार आहे. ज्यांनी २०१९ मध्ये पाठीत खंजीर खुपसलं ते गद्दार होते

• हे सरकार बेकायदेशीर सरकार असं म्हणणारांनाच कायदा कळतो काय?

• जे उरले-सुरले १०-१५ आहेत, तेही जातील म्हणून विरोधक घाबरले आहेत

• सर्वोच्च न्यायालयात आपल्या बाजूने निकाल येईल, हा मला पूर्ण विश्वास आहे

• मला जेलमध्ये टाकण्याचा यांचा प्लान होता. परंतु मी यांच्या बापाला घाबरत नाही.

• मी त्यांना पुरुन उरलो. मला जेलमध्ये टाकण्याची जबाबदारी ज्यांच्याकडे होती, ते जेलमध्ये गेले