भाजपमध्ये प्रवेशाच्या चर्चा; राष्ट्रवादीच्या बबन शिंदेंचे स्पष्टीकरण

मुंबई : सोलापूरातील दोन राष्ट्रवादीचे आमदार भाजपचे नेते आणि उपमुख्यमंत्री देवेंद्र फडणवीस यांच्या भेटीला गेले होते. त्यानंतर त्यांच्या भाजपमध्ये प्रवेशाच्या चर्चांना उधाण आलं होतं. पण या प्रकरणानंतर ईडीची नोटीस आलेले बबन शिंदे यांनी स्पष्टीकरण दिलं आहे. मी दिल्लीला काही कामासाठी गेलो होतो. त्यावेळी ते तेथे असल्यामुळे आम्ही त्यांना भेटलो असं बबन शिंदे म्हणालो होते.

(NCP MLA Baban Shinde Clearance)

दरम्यान, राष्ट्रवादीचे सोलापुरातील माढ्याचे आमदार बबन शिंदे आणि मोहोळचे आमदार राजन पाटील हे उपमुख्यमंत्री देवेंद्र फडणवीस यांच्या भेटीला गेले होते. त्यानंतर चर्चा सुरू झाल्या होत्या. त्यावर आमदार बबन शिंदे यांनी स्पष्टीकरण दिलं असून, "मी काही कमासाठी दिल्लीला आलो होतो. पण येथे देवेंद्र फडणवीस होते. ते आपले उपमुख्यमंत्री आहेत त्यामुळे आम्ही त्यांना भेटायला गेलो होतो. पण भाजपमध्ये प्रवेश करण्याचा प्रश्नच नाही." असं स्पष्टीकरण शिंदे यांनी दिलं आहे.

या भेटीनंतर राष्ट्रवादीच्या नेत्यांकडून भाजपवर टीका केली गेली होती. भाजपकडून सध्या दबाव तंत्राचा वापर करण्यात येत असून दुसऱ्या पक्षातील लोकांना आपल्याकडे खेचण्याचा प्रयत्न होत आहे. बबन शिंदे यांना ईडीची नोटीस आली होती, याच दबावाचा वापर करत शिंदे यांना आपल्याकडे खेचण्याचा प्रयत्न होत असल्याचा आरोप राष्ट्रवादीचे प्रवक्ते महेश तपासे यांनी केला होता. त्यानंतर आमदार बबन शिंदे यांनी आपण राष्ट्रवादीतंच राहणार असल्याचं स्पष्टीकरण दिलं आहे.