विधान परिषद निवडणुकीची सध्या राज्यभरात धामधूम सुरू आहे. विविध पक्षाचे नेते त्यामुळे आपल्या पक्षश्रेष्ठींकडे उमेदवारीच्या इच्छेने धाव घेत आहेत. त्यातून आता कोणाचा पत्ता कट होणार आणि कोणाची विधान परिषदेवर वर्णी लागणार याकडे राज्याचं लक्ष लागून आहे. दरम्यान, राष्ट्रवादीकडून उमेदवारीसाठी रामराजे नाईक निंबाळकर आणि एकनाथ खडसे यांनी आज शरद पवारांची भेट घेतली. (Ramraje Naik Nimbalkar and Eknath Khadse meets sharad pawar)
विधान परिषदेसाठी राष्ट्रवादीकडून या दोघांना उमेदवारी मिळण्याची शक्यता आहे. रामराजे निंबाळकर (Ramraje Naik Nimbalkar) सध्या विधान परिषदेचे सभापती आहेत. तर एकनाथ खडसे (Eknath Khadse) यांचे नाव राज्यपाल नियुक्त बारा जागांसाठी पाठवले आहे. पण अजूनही राज्यपालांनी त्यांना मान्यता दिली नसल्याने आता विधान परिषदेवर त्यांची वर्णी लागण्याची शक्यता आहे.
दरम्यान, याच संदर्भात आज सकाळी रामराजे निंबाळकर आणि एकनाथ खडसे यांनी शरद पवार (Sharad Pawar) यांची भेट घेतली. भाजपातून राष्ट्रवादी काँग्रेसमध्ये आलेल्या एकनाथ खडसेंना गेल्या अनेक दिवसांपासून राजकीय पुनर्वसनाची अपेक्षा आहे. विधान परिषदेसाठी जर राष्ट्रवादीकडून त्यांना उमेदवारी मिळाली, तर ती त्यांच्यासाठी मोठी संधी ठरणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
