मुंबई : मुंबईसह राज्यभरातील शासकीय वैद्यकीय महाविद्यालये आणि रुग्णालयांत पुन्‍हा ऑनलाईन प्रणाली उपलब्ध होणार आहे. मध्यंतरी शासकीय कामाचा फटका या प्रणालीला बसला होता. आता ही ऑनलाईन प्रणाली लवकरच सुरू करण्यासाठी शासकीय स्तरावर हालचाली सुरू झाल्या आहेत. ‘एचएमआयएस’ ही डिजिटायझेशन प्रणाली गेल्या २२ महिन्यांपासून बंद होती. त्यामुळे रुग्णांची नोंदणी, तपासण्या आणि उपचाराची माहिती एका क्लिकवर मिळण्यात अडचण येत होती. ती आता सुरू करण्यावर भर दिला जात आहे.