मुंबई - सध्याच्या सामाजिक न्याय व विशेष सहाय्य विभागांतर्गत दिव्यांगाचा सर्वांगीण विकास करण्याकरिता दिव्यांग कल्याणाची दोन कार्यासने वेगळी करून हा स्वतंत्र विभाग निर्माण करण्यात आला आहे. यामध्ये दिव्यांग वित्त विकास महामंडळ व त्यांची कार्यालय यांचा देखील समावेश आहे.
मात्र गेली दोन वर्षे दिव्यांग विभाग कर्मचाऱ्यांविना अपूर्णच असल्याचे दिसून आले आहे. १९०० कोटी रुपये निधीची तरतूद असलेला हा विभाग फक्त आठच अधिकारी चालवत असल्याने अनेक योजनांना खीळ बसत असल्याचे दिसत आहे.
या विभागासाठी स्वतंत्र सचिव व अधिकारी-कर्मचारी मिळून राज्यात एकूण दोन हजार ६३ जागा नव्याने निर्माण करण्यात येणार असल्याचे सांगण्यात आले असले तरी ही पदे कधी भरणार असा प्रश्न उपस्थित राहत आहे.
सध्या महाराष्ट्रात ३० लाखांपेक्षा जास्त दिव्यांग व्यक्ती असून स्वतंत्र दिव्यांग विभाग होण्याच्या आधी दिव्यांगांचे शिक्षण, प्रशिक्षण, पुनर्वसनाच्या योजना या सामाजिक न्याय विभागाच्या नियंत्रणाखाली दिव्यांग कल्याण आयुक्त राबवत होतें. जिल्हास्तवर देखील जिल्हा समाजकल्याण अधिकारी हे काम पाहतात.
स्वतंत्र दिव्यांग विभागातील सध्याचे अधिकारी व कर्मचारी
उपसचिव : २
कक्ष अधिकारी : २
सहाय्यक कक्ष अधिकारी : २
लिपिक, टंकलेखक : २
स्वतंत्र दिव्यांग विभागासाठी रिक्त जागा भरण्यासाठी आम्ही ‘एमपीएससी’कडे पाठपुरावा करीत आहोत. येत्या काही महिन्यांमध्ये जागा भरल्या जातील, असा विश्वास आहे.
- बच्चू कडू , संस्थापक, प्रहार जनशक्ती पक्ष
जागा भरण्यासाठी पाठपुरावा
लवकरात लवकर जागा भरण्यासाठी मी स्वतः पाठपुरावा करत आहे. जागा भरल्यानंतर अनेक दिव्यांग विभागासाठी महत्त्वाकांक्षी योजना आम्ही राबविणार आहोत, अशी माहिती दिव्यांग विभागाच्या अधिकाऱ्यांनी नाव न सांगण्याच्या अटीवर दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.