छत्रपती संभाजी नगरः परभणीमध्ये १० डिसेंबर रोजी डॉ. बाबासाहेब आंबेडकर पुतळा परिसरात संविधानाच्या प्रतिकृतीची विटंबना झाली होती. त्यामुळे शहरात ११ डिसेंबरला बंदची हाक देण्यात आलेली होती. बंददरम्यान शहरामध्ये दगडफेक आणि जाळपोळीच्या घटना घडल्या होत्या. परभणी पोलिसांनी लाठीचार्ज करत आंदोलकांना ताब्यात घेतलं होतं. यापैकी सोमनाथ सुर्यवंशी यांचा रविवारी सकाळी मृत्यू झाला होता.
