मुंडे भाऊ-बहिणीत पुन्हा काटे की टक्कर! 'या' संस्थेसाठी दोघांची प्रतिष्ठा पणाला, वाचा सविस्तर

८११ मतदारांनी बजावला मतदानाचा हक्क
beed
beedesakal

परळी वैजनाथ: शहरातील सर्वात मोठ्या शैक्षणिक संस्थेची निवडणूक प्रक्रिया तब्बल १२ वर्षानंतर पूर्ण झाली. शनिवारी (ता.६) शांततेत मतदान पार पडले. १,२२१ पैकी ८११ मतदारांनी मतदानाचा हक्क बजावला तर आमदार धनंजय मुंडे यांनीही मतदान केले. मतदान प्रक्रिया शांततेत पार पडली. न्यायालयाच्या पुढील आदेशापर्यंत मतमोजणीवर बंदी घालण्यात आलेली आहे.

जवाहर एज्युकेशन सोसायटीची निवडणूक बारा वर्षांपूर्वी झाली होती. प्रदीप खाडे यांचा ४१ (अ) चा अर्ज वैध ठरवून जवाहर एज्युकेशन सोसायटीची निवडणूक घेण्याचे आदेश देत निवडणूक अधिकारी म्हणून द.ल.सावंत यांची नियुक्ती केल्यानंतर सावंत यांनी निवडणूक कार्यक्रम जाहीर केला.

beed
Sambhaji Nagar: धक्कादायक! बलात्कार प्रकारणातील आरोपीने अल्पवयीन मुलीला पळवून नेत केला अत्याचार

यात हयात सभासदांतून ३१,आश्रयदाता सभासदांतून १, हितचिंतक १ व सहाय्यक सभासदातून १ असे ३४ संचालक निवडले जाणार होते. यामध्ये आश्रयदाता गटातून आमदार धनंजय मुंडे व हितचिंतक गटातून पंकजा मुंडे बिनविरोध निवडून आले आहेत. तर उर्वरित ३२ जागेसाठी शनिवारी मतदान झाले.

मतमोजणी रविवारी (ता.७) होणार होती मात्र न्यायालयाने मतमोजणी प्रक्रियेवर बंदी घातलेली आहे. शनिवारी झालेल्या मतदानात १,२२१ मतदारांपैकी ८११ मतदारांनी मतदानाचा हक्क बजावला.

beed
Sambhaji Nagar: धक्कादायक! जेवणाच्या बिलावरून झालेल्या वादात हॉटेल चालकाकडून धारदार शस्त्राने तरुणाचा खून

यामध्ये हयात सभासदांतून १,२११ पैकी ८०१ तर सहाय्यक सभासद १० पैकी १० जणांनी आपला मतदानाचा हक्क बजावला. तर आमदार धनंजय मुंडे यांनी दुपारी तीन वाजेच्या सुमारास मतदान केले.

माजी मंत्री पंकजा मुंडे यांनी मतदान केंद्रावर भेट देत आपल्या समर्थकांचा उत्साह वाढवला. शहरातील सर्वात मोठ्या शैक्षणिक संस्थेवर कोणाचे वर्चस्व प्रस्थापित होणार याकडे परळीकरांचे लक्ष लागले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com