School Evaluation : राज्यातील ४२९ शाळा ‘अ’ श्रेणीच्या मानकरी; मूल्यांकनात पुणे आघाडीवर, २८ जिल्हा परिषद शाळांचाही समावेश

पुणे - राज्य शैक्षणिक संशोधन व प्रशिक्षण परिषदेमार्फत (एससीईआरटी) राज्यातील शाळांच्या मूल्यांकनाची प्रक्रिया राबविण्यात आली. शैक्षणिक वर्ष २०२५-२६ मध्ये केलेल्या शाळा मूल्यांकनात राज्यातील ४२९ शाळांनी ‘अ’ ही सर्वोच्च श्रेणी मिळवली आहे. पुणे जिल्ह्यात ‘अ’ श्रेणी मिळविलेल्या शाळा सर्वाधिक असून, पुणे शाळा मूल्यांकनाच्या ‘अ’श्रेणीत अग्रेसर आहे.