Koyna Dam च्या पायथा वीजगृहातील विसर्ग थांबवला; कोयनानगर, महाबळेश्वरात 'इतक्या' मिलिमीटर पावसाची नोंद

पाटण : कोयना धरण (Koyna Dam) पाणलोट क्षेत्रासह तालुक्यात सलग चौथ्या दिवशी पावसाने विश्रांती घेतली आहे. गेल्या २४ तासांत कोयनानगर व नवजाला दहा मिलिमीटर आणि महाबळेश्वरला (Mahabaleshwar) २५ मिलिमीटर पावसाची नोंद झाली आहे.

कोयना धरणाचा एकूण पाणीसाठा ८२.७६ टीएमसी झाला असून, जलाशयात प्रतिसेकंद फक्त चार हजार ७४ क्युसेक पाण्याची आवक होत आहे. पावसाने विश्रांती घेतली असल्यामुळे जलाशयात होणारी पाण्याची आवक कमी झाली आहे.

काल सकाळी दहा वाजता पायथा वीजगृहातील दोन जनित्राद्वारे वीजनिर्मिती करून कोयना नदीपात्रात करण्यात येणारा विसर्ग कोयना धरण व्यवस्थापनाने बंद केला आहे.