राज ठाकरेंची प्रेस असो की एखादा नेता त्यांना भेटायला गेलेला असो. राज ठाकरेंच्या फोटोंमध्ये नेहमी त्यांच्या मागे पुस्तकांची लायब्ररी दिसते. राज ठाकरे पुस्तकं वाचत असल्याचे फोटो सुद्धा अनेक ठिकाणी तुम्ही पाहिले असतील.
मंगळवारी राज ठाकरे पुणे दोऱ्यावर असताना त्यांनी एका पुस्तकाच्या दुकानातून तब्बल ५० हजारांची पुस्तकं विकत घेतली. या आधी सुद्धा अनेक भाषणांमध्ये राज ठाकरेंनी पुस्तकांचे संदर्भ दिले होते. आपल्या आजोबांची सगळी पुस्तकं आपण वाचली आहेत असं देखील ते म्हणाले होते. राज ठाकरे राजकारणाबरोबरच पुस्तकांमध्ये सुद्धा रमत असतात. त्यांच्याकडे पुस्तकांबरोबरच हजारांहून अधिक सिनेमांचा संग्रह सु्द्धा आहे. रोज एक तरी सिनेमा बघण्याचा त्यांचा कयास असतो. (Raj Thackeray Corona period one phone libraries started Pune)
त्यांच्या वाचनाच्या आवडीचा प्रचिती देणारा प्रसंग कोरोनामध्ये घडला होता. कोरोनाच्या पहिल्या लाटेनंतर २०२० साली राज्य सरकारने मिशन बिगन अंतर्गत अनेक गोष्टी सुरु केल्या होत्या. परंतु ग्रंथालये बंदच होती. 8 ऑक्टोबरला ग्रंथालय प्रतिनिधिंनी राज ठाकरेंची भेट घेतली होती. त्यात त्यांनी ग्रंथालय सुरु व्हावीत अशी मागणी केली होती. पुस्तकं ही सकारात्मक उर्जा आणि वैचारिक आनंद देतात. कोरोनाच्या नैराश्यपूर्ण वातावरणात त्यांची फार आवश्यकता आहे. म्हणून ती खुली करावित अशी ग्रंथालय प्रतिनिधींची मागणी होती.
त्यानंतर लगेचच राज ठाकरेंनी उच्च आणि तंत्रशिक्षणमंत्री उदय सामंत यांना फोन करुन ग्रंथालय चालकांच्या समस्या मांडल्या होत्या. त्यावर शक्य तितक्या लवकर ग्रंथालये सुरु करण्याच निर्णय घेतला जाईल असं आश्यावसन उदय सामंत यांनी दिलं होते. त्यानंतर प्रशासनाची चक्रे वेगाने फिरली आणि अवघ्या ७ दिवसातच राज्य सरकारने ग्रंथलायं सुरु करण्याचा निर्णय घेतला होता. राज्य सरकारने १४ ऑक्टोबरला नवी नियमावली जाहीर केली होती त्यात ग्रंथालये सुरु करण्यासाठी परवानगी दिली होती. हे सगळं घडलं राज ठाकरे यांच्या एका फोननंतर.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.