रिक्षा संप स्थगित;  उद्या मुख्यमंत्र्यांसोबत बैठक 

रिक्षा संप स्थगित;  उद्या मुख्यमंत्र्यांसोबत बैठक 

मुंबई -  राज्यभरात सोमवारी मध्यरात्रीपासून सुरू होणारा रिक्ष संप स्थगित करण्यात आला आहे. मंगळवारी (ता. 9) दुपारी मुख्यमंत्री देवेंद्र फडणवीस यांच्यासोबत रिक्षा चालक-मालकांच्या संघटनांच्या प्रतिनिधींची बैठक होणार आहे. त्यामुळे संप स्थगित केल्याचे सांगण्यात आले.

राज्यातील 20 लाख रिक्षा चालक-मालक संपात सहभागी होणार होते. महामुंबई परिसरात मंगळवारी अतिवृष्टीचा इशारा असल्याने मोठा पाऊस झाल्यास नागरिकांचे हाल झाले असते. भाडेवाढ, ओला-उबर आदी ऍप आधारित टॅक्‍सीसेवा बंद करा, रिक्षा चालक-मालकांसाठी कल्याणकारी मंडळ स्थापन करा आदी मागण्यांसाठी राज्यव्यापी रिक्षा संप पुकारण्यात आला होता. याबाबत सोमवारी प्रधान सचिव आशीषकुमार सिंह यांच्यासोबत संघटनांच्या प्रतिनिधींची बैठक झाली. या बैठकीत तोडगा निघाला नाही; त्यामुळे संपाचा निर्णय कायम असल्याची घोषणा करण्यात आली होती. तथापि, रात्री उशिरा मुख्यमंत्र्यांनी संघटनांच्या प्रतिनिधींशी चर्चा करण्याचे आश्‍वासन दिल्यावर संप स्थगित करण्यात आला.

मुख्यमंत्र्यांसोबत मंगळवारी दुपारी 3 वाजता बैठक होईल. या बैठकीत तोडगा निघण्याची शक्‍यता आहे. त्यामुळे संप स्थगित करण्यात आला आहे.
- शशांक राव, अध्यक्ष, महाराष्ट्र राज्य रिक्षा चालक-मालक संघटनांची संयुक्त कृती समिती

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com