संजय राऊतांना लसीकरणाच्या 100 कोटींच्या आकड्याबद्दल शंका!

मुंबई : "जे बड्या देशांना जमलं नाही ते भारतानं करुन दाखवलं, मोहिमेला यश आल्याचं पंतप्रधान नरेंद्र मोदी (Narendra Modi) यांनी सांगितलं. कोरोना प्रतिबंधक लसीकरण (corona vaccination) मोहिमेत 100 कोटींचा टप्पा आज पूर्ण केला, त्याचं जगभरातून कौतुक करण्यात येत आहे. मात्र दुसरीकडे शिवसेनेने या १०० कोटींच्या आकड्याबद्दल शंका उपस्थित केलीय. शिवसेनेचे खासदार संजय राऊत (shivsena mp sanjay raut) यांनी मोदी भाषण देत असतानाच यासंदर्भात आज वक्तव्य केलं आहे.

संजय राऊतांना लसीकरणाच्या 100 कोटींच्या आकड्याबद्दल शंका!

कोरोना प्रतिबंधक लसीकरण (corona vaccination) मोहिमेत १०० कोटी लसींच्या डोसचा टप्पा पार करून भारताने गुरुवारी नवा विक्रम नोंदवला. याच पार्श्वभूमीवर पंतप्रधान नरेंद्र मोदी आज देशाला संबोधित केलं. इतिहासाचा नवा अध्याय लिहिला जात आहे असं मोदी म्हणाले. मात्र दुसरीकडे शिवसेनेने या १०० कोटींच्या आकड्याबद्दल शंका उपस्थित केलीय. शिवसेनेचे खासदार संजय राऊत यांनी मोदी भाषण देत असतानाच यासंदर्भात प्रसारमाध्यमांशी बोलताना वक्तव्य केलं आहे.

काय म्हणाले संजय राऊत?

100 कोटी डोस खरोखर पूर्ण झाले आहेत का?, असा प्रश्न राऊत यांनी उपस्थित करतानाच, “झाले असतील तर आनंदच आहे,” असं म्हटलंय. तसेच पुढे बोलताना राऊत यांनी, “डोस देण्याच्या बाबतीत आपला देश जगात १९ व्या स्थानी आहे. काहीजणं म्हणतायत ३३ कोटीच दोन डोस झालेत. तर काहींना दुसरा डोस मिळालाच नाहीय,” असंही म्हटलंय.