'भोंगेबाज राजकारण्यांनी हिंदुत्वाचा...', राज यांच्या पत्रकार परिषदेनंतर राऊतांचं ट्विट | Sakal
sakal

बोलून बातमी शोधा

Sanjay Raut on Loudspeaker Controversy

'भोंगेबाज राजकारण्यांनी हिंदुत्वाचा...', राज यांच्या पत्रकार परिषदेनंतर राऊतांचं ट्विट

मुंबई : मनसे अध्यक्ष राज ठाकरेंनी (Raj Thackeray) आज पत्रकार परिषद घेऊन मशिदीवरील भूमिकेवर ठाम असल्याचं सांगितलं. राज ठाकरेंची पत्रकार परिषद संपताच शिवसेना खासदार संजय राऊत (Sanjay Raut) यांनी ट्विट करून ठाकरेंना टोला लगावला आहे. भोंगेबाज राजकारण्यांनी आज हिंदुत्वाचा गळा घोटला, असं संजय राऊत म्हणाले.

हेही वाचा: Hanuman Chalisa Row : 'धार्मिक रंग दिला तर...', राज ठाकरेंचा सरकारला इशारा

भोंगेबाज राजकारण्यांनी आज हिंदुत्वाचा सुद्धा गळा घोटला. शिर्डी आणि त्र्यंबकेश्वरसह अनेक तिर्थस्थनावरील भोंगे बंद झाल्यामुळे पहाटेच्या काकड आरतीचा आनंद भाविकांना घेता आला नाही. मंदिरातील काकड आरती वर्षांनुवर्ष भोंग्याद्वारे पंचक्रोशीत ऐकली जाते. मग त्यावरही बंदी आणणार का? असं संजय राऊत म्हणाले.

राज ठाकरेंनी मशिदीवरील भोंगे उतरविण्यासाठी दिलेला अल्टीमेटम ३ मे रोजी संपला होता. पण, ३ मे रोजी ईद असल्यानं कुठलंही आंदोलन न करण्याच्या सूचना राज ठाकरेंनी कार्यकर्त्यांना दिल्या होत्या. पण, काल त्यांनी मशिदीवरील भोंगे उतरविण्यासाठी सज्ज राहा, असा आदेश कार्यकर्त्यांना दिला. राज ठाकरेंचे आदेश प्राप्त होताच आज मनसे कार्यकर्त्यांनी पहाटेपासून मशिदीसमोर ठिय्या मांडला होता. अनेक मशिदींसमोर भोंग्यांवरून हनुमान चालिसा वाजविण्यात आली. काही ठिकाणी कार्यकर्त्यांनी इमारतींवर चढून दुप्पट आवाजात हनुमान चालिसा वाजवली. वातावरण अधिक बिघडू नये यासाठी पोलिसांनी मनसेच्या कार्यकर्त्यांची धरपकड केली. अनेक मनसे कार्यकर्त्यांना ताब्यात घेण्यात आले. यावेळी मनसेचे सरचिटणीस संदीप देशपांडे मात्र पोलिसांच्या हातावर तुरी देऊन पळून गेले.

कार्यकर्त्यांची धरपकड होताच राज ठाकरेंनी पत्रकार परिषद घेतली. आम्ही कायद्यानुसार चालत असताना आमच्यावर कारवाई का केली जाते? कायद्याचं पालन न करणाऱ्यांना तुम्ही वाऱ्यावर सोडणार का? असे सवाल त्यांनी सरकारला विचारले. तसेच भोंग्यासाठी फक्त आज आंदोलन केलं नाहीतर हे आंदोलन पुढेही सुरूच राहणार. आम्ही दुप्पट आवाजात हनुमान चालिसा वाजवणार, अशी ठाम भूमिका राज ठाकरेंनी मांडली.

Web Title: Sanjay Raut Criticized Raj Thackeray Attack On Hindutva Over Loudspeaker Controversy

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Sanjay RautRaj Thackeray
go to top