किरण कवडे
नाशिक : आदिवासी बांधवांच्या पारंपारिक उत्पादनांचा ‘शबरी ब्रॅण्ड विकसित करत त्यांना जागतिक बाजारपेठ उपलब्ध करून देण्यात शबरी आदिवासी वित्त व विकास महामंडळ यशस्वी ठरत आहे. यात मोहाच्या फुलांपासून बनविण्यात आलेली ‘मोहाची-द हेरिटेज वाईन’, सुमधुर मोगी भोग, मोहाच्या बियांचे तेल, मोहाचे सिरप, साबण, मॉईश्चराझर, लाडू, मध, कुकीज अशी अनेक दर्जेदार उत्पादने ‘शबरी नॅचरल्स’च्या माध्यमातून तयार होतात. त्यांची भारतात व विदेशात ऑनलाइन विक्री करण्यासाठी ‘ई-कॉमर्स’ ही संकल्पना राबविण्यात येत असून, पोस्टाद्वारे ही उत्पादने ग्राहकांपर्यंत पोचविण्यात येत आहेत.