बारामती अ‍ॅग्रोच्या प्लांटवर झालेल्या कारवाईवर शरद पवारांची प्रतिक्रिया; म्हणाले, मी उत्तर...

बारामती - राष्ट्रवादी काँग्रेस पक्षाचे अध्यक्ष शरद पवार आज बारामतीतील गोविंद बाग या निवासस्थानी कार्यकर्त्यांची संवाद साधण्यासाठी दाखल झाले. शरद पवार यांच्या उपस्थितीत आज विविध संस्थांच्या बैठकीचं आयोजन करण्यातआलं आहे. यावेळी शरद पवार यांनी माध्यमांशी संवाद साधून रोहित पवार यांच्या बारामती ग्रोबाबत विधान केलं.

आरक्षणाच्या मुद्दावर शरद पवार म्हणाले की, आरक्षण देताना ज्यांना आरक्षण मिळतं त्यांच्यातील वाटा दुसऱ्यांनी घेऊ नये, अशी अपेक्षा ओबीसींची आहे. त्याची नोंद सरकारला घ्यावी लागेल.

राष्ट्रवादीचे आमदार रोहित पवार यांना रात्री 2 वाजता नोटीस देण्यात आली असून 72 तासांत प्लांट बंद करण्याची सूचना नोटीसीतून देण्यात आली आहे. दरम्यान आमदार रोहित पवार यांनी स्वतः ट्वीट करत यासंदर्भात माहिती दिली होती.

या कारवाईबाबत शरद पवार यांना विचारलं असता, ते म्हणाले त्यावर मी उत्तर देणार नाही. यावेळी शरद पवार यांनी इंडिया आघाडीत वाद होणार नाही, याची काळजी घेऊ असंही म्हटलं.