Sindhudurg tourists drowned : मोठी बातमी! सिंधुदुर्ग -शिरोडा वेळागर समुद्रात आठ पर्यटक बुडाले

Eight tourists drowned at Shiroda Velagar beach : सिंधुदुर्गमधून एक दु:खद बातमी समोर आली आहे. या ठिकाणी सिंधुदुर्ग -शिरोडा वेळागर समुद्रात आठ पर्यटक बुडाले आहेत. यापैकी तिघांचे मृतदेह हाती लागले असून, अन्य पाच जणांचा शोध सुरू आहे. प्राप्त माहितीनुसार हे सर्व पर्यटक हे सिंधुदुर्ग येथील रहिवासी आहेत.

तर, प्राप्त माहितीनुसार बुडालेल्या आठ जणांपैकी तिघांचे मृतदेह हाती लागल्यानंतर, चार जणांना सुखरूप वाचवण्यात यश आले आहे. तर उर्वरीत एका पर्यटकाचा शोध सुरू आहे.

राज्यात सध्या सर्वत्र अतिवृष्टीमुळे दाणादाण उडालेली आहे. विशेष करून मराठवाड्याला अतिवृष्टीचा मोठा फटका बसलेला आहे. छत्रपती संभाजीनगर जिल्ह्यातील कन्नड तालुक्यात मागील महिन्यात अतिवृष्टीमुळे विविध ठिकाणी सात जण वाहून गेले होते.

याशिवाय, सोलापूर जिल्ह्यालाही पावसाचा प्रचंड फटका बसला आहे, या ठिकाणी अनेक गावात घरांमध्ये पाणी शिरल्याने कित्येक कुटुंब उघड्यावर आली आहेत. शिवाय, शेतमालाचेही मोठ्याप्रमाणात नुकसान झाले आहे.