शिवसेनेचे आमदार नीलेश राणे यांनी विधानसभेत शिवसेनेचे (ठाकरे) गटनेते भास्कर जाधव यांना उद्देशून एकेरी भाषा वापरल्याने जाधव प्रचंड संतप्त झाल्याने सभागृहात काही काळ प्रचंड गोंधळ झाला..तालिका अध्यक्ष योगेश सागर यांनी भास्कर जाधव यांना शांत करण्याचा प्रयत्न केला. मात्र जाधव शांत होत नसल्याचे पाहून त्यांनी पक्षाच्या प्रतोदांनी नवीन सदस्यांना शिस्त शिकवावी, अशा शब्दात शिंदे गटाला समज दिली. विधानसभेच्या आजच्या कामकाजात ३० लक्षवेधी सूचनांचा समावेश असल्याने प्रत्येक सदस्याने कमीत कमी वेळेत आपले म्हणणे मांडावे, अशी सूचना विधानसभा अध्यक्ष राहुल नार्वेकर यांनी सुरवातीलाच केली होती. .त्यानंतर तालिका अध्यक्ष म्हणून योगेश सागर कामकाज पाहत होते. लक्षवेधीला सुरवात झाल्यावर राष्ट्रवादी काँग्रेस शरदचंद्र पवार पक्षाचे जयंत पाटील उभे राहिले आणि एकाच दिवशी ३० लक्षवेधी सूचना घेतल्यावरून नियमांवर बोट ठेवत, एका दिवशी तीन लक्षवेधी मांडता येतात, असे सभागृहाच्या निदर्शनास आणले. त्याचबरोबर प्रत्येक लक्षवेधी सूचनेवर सदस्यांना बोलण्यासाठी दहा मिनिटे दिली जातात पण एका दिवशी ३० लक्षवेधी सूचना मांडण्याची संधी देऊन तुम्ही कोणाला खूष करण्याचा प्रयत्न करीत आहात, असा सवाल त्यांनी केला..जयंत पाटील यांच्या मुद्द्याला पाठिंबा देण्यासाठी भास्कर जाधव बोलण्यास उभे राहिले. ‘‘लक्षवेधी सूचना या एका मतदारसंघाच्या असतात पण मागण्यांवरील चर्चा या सर्व राज्याच्या असतात. त्यामुळे तुम्ही एका दिवशी ३० लक्षवेधी सूचना कशा घेतल्या,’’ असा सवाल भास्कर जाधव यांनी केला. त्यावर नीलेश राणे यांनी मागील बाकावरून शेरेबाजी केली. त्यामुळे जाधव संतप्त झाले. भास्कर जाधव व नीलेश राणेंमध्ये प्रचंड शाब्दिक बाचाबाची होत वाद ‘अरे तुरे’ वर आला. शिवसेनेचे सर्व सदस्य अध्यक्षांच्या आसनासमोर जाऊ लागले..Sudhir Mungantiwar : विधानभवन नव्हे; हे तर लक्षवेधी भवन, सुधीर मुनगंटीवार पुन्हा संतापले.महाराष्ट्र आपल्याकडे पाहतोयतालिका अध्यक्ष योगेश सागर यांनी नीलेश राणे यांचे कान टोचत ‘नवीन सदस्यांनी या सभागृहाचा सन्मान कसा राखायचा, हे आपल्या पक्षाच्या प्रतोदांकडून शिका, संपूर्ण महाराष्ट्र आपल्याकडे पाहत आहे.,’’ अशा शब्दांत नीलेश राणे यांना सुनावले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
