Baramati: बारामतीत भटक्या कुत्र्यांचा वावर वाढला! तीन वर्षांच्या बालिकेवर कुत्र्यांचा हल्ला

BARAMATI: शहरातील खत्री इस्टेटमध्ये साडेतीन वर्षांच्या बाळावर आज भटक्या कुत्र्यांनी हल्ला करत त्याला जखमी केले. महिनाभरात त्याच ठिकाणी दुस-यांदा लहान बाळावर कुत्र्यांनी हल्ला करण्याचा प्रकार घडल्याने स्थानिक नागरिकात संतापाचे वातावरण आहे. Latest Marathi News

युवान केदार जाचक (वय साडेतीन वर्षे, रा. खत्री इस्टेट, कॅनॉल रोड, बारामती) हा आज दुपारी आपल्या घराच्या दारात खेळत होता. दारात खेळत असताना चार पाच भटक्या कुत्र्यांनी अचानकच त्याच्यावर हल्ला करुन त्याच्या हातापायांना जोरदार चावा घेतला. काही क्षणातच स्थानिक नागरिक विशाल आगवणे तसेच त्याचे पालक धावून आल्याने कुत्री पळून गेली. मात्र यात युवान कमालीचा घाबरला होता. Marathi Tajya Batmya

त्याला तातडीने डॉ.सौरभ मुथा यांच्याकडे पुढील उपचारासाठी पालकांनी नेले. दरम्यान त्याची प्रकृती स्थिर असून त्याला काही इंजेक्शन्स द्यावी लागतील, अशी माहिती डॉ. सौरभ मुथा यांनी दिली. गेल्याच महिन्यात आश्वी जगदाळे या मुलीला भटक्या कुत्र्यांनी वीस ठिकाणी चावे घेत जखमी केले होते. Latest Marathi News

ते प्रकरण ताजे असतानाच आज पुन्हा त्याच ठिकाणी युवान जाचक याला भटक्या कुत्र्यांनी जखमी केल्यानंतर आता लहान मुलांच्या सुरक्षिततेचा प्रश्न ऐरणीवर आला आहे. बारामती नगरपालिकेने कुत्र्यांचा बंदोबस्त करावा या बाबत ठोस उपाययोजना करावी, अशी बारामतीकरांची मागणी आहे.