मुंबई - शाळांमध्ये मराठी भाषा शिकवणे सक्तीची करणारा कायदा आगामी अर्थसंकल्पी अधिवेशनात मंजुरीसाठी आणला जाणार असल्याची माहिती भाषा मंत्री सुभाष देसाई यांनी दिली. राज्यातील जवळपास 25 हजार शाळांमध्ये मराठी भाषा शिकवली जात नाही. अशा शाळांमधूनही मराठीचे धडे दिले जावेत, यासाठी राज्य सरकार कायदा आणणार असल्याचे देसाई यांनी सांगितले.
राज्यात मराठी भाषेच्या शाळांची संख्या कमी असल्याची चिंता वाटत असली, तरी पालकांनी कोणत्या शाळेत मुलांना शिकवावे यासाठी सक्ती करता येणार नाही; मात्र मातृभाषेच्या शाळांमधून मुलाना शिकवावे, असे आवाहनही देसाई यांनी केले.
शिक्षणाच्या माध्यमातून भाषा जिवंत ठेवण्यासाठी जाणीवपूर्वक प्रयत्न करणे आवश्यक असल्यानेच शाळांमध्ये मराठी भाषा शिकवणे सक्तीचे करणारा कायदा अधिवेशनात आणणार असल्याचे ते म्हणाले. या कायद्याची अंमलबजावणी न करणाऱ्या शाळांवर कठोर कारवाई करण्याबाबतचा विचार केला जाणार असल्याचेही त्यांनी सांगितले. राज्य माध्यमिक शिक्षण मंडळाच्या शाळांव्यतिरिक्त केंद्रीय शाळा, इतर बोर्डाच्या सुमारे 25 हजार शाळांमध्ये मराठी भाषा शिकवली जात नसल्याची माहिती देसाई यांनी दिली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.