Prakash Ambedkar : ...तर औरंगजेबाची कबर समुद्रात फेका; आंबेडकरांच्या कृतीचा सदावर्तेकडून नाव न घेता निषेध

Prakash ambedkar and gunratan sadavarte
Prakash ambedkar and gunratan sadavarte

छत्रपती संभाजीनगर : वंचित बहुजन आघाडीचे नेते प्रकाश आंबेडकर यांनी छत्रपती संभाजीनगर येथील औरंगजेबाच्या कबरीचे दर्शन घेतले. यावरून राज्यात मोठा गदारोळ झाला आहे. यावरून प्रकाश आंबेडकरांवर सातत्याने टीका होत आहे. त्यातच आता एसटी कामगारांचे नेते गुणरत्न सदावर्ते यांनी त्यांच्या या कृतीवर नाव न घेता टीका केली आहे.

Prakash ambedkar and gunratan sadavarte
Success Story : कठोर परिश्रमातून महिलेने फुलवली नैसर्गिक शेती; वर्षाकाठी कमावतात ७ ते८ लाख रुपये

औरंगजेब, अजमल कसाब हे देशात कधीच प्रेरणा, वैचारिक स्थान होऊ शकत नाहीत. अमेरिकेच्या लष्कराने ओसामा बिन लादेन याचा मृतदेह मध्य समुद्रामध्ये फेकला होता. त्याचप्रमाणे अशा प्रवृत्तींच्या लोकांची कबरही समुद्रात नेऊन फेका, म्हणजे वारंवार कोणी या कबरीवर पुष्प अर्पण करणार नाही, अशा शब्दांत ॲड. गुणरत्न सदावर्ते यांनी कोणाचेही नाव न घेता निशाणा साधला.

एसटी सहकारी बँकेच्या निवडणुकीसंदर्भात ॲड. सदावर्ते रविवारी येथे आले होते. पत्रकार परिषदेत ते म्हणाले, देशात सध्या सेक्युलर, रोखठोक अशा व्हॉट्सॲप ग्रुपद्वारे देशातील नागरिकांची डोकी भडकविण्यात येत आहेत. त्यामुळे ‘लव्ह जिहादपेक्षा व्हॉट्सॲप जिहाद भयंकर बनत चालला आहे. ओसामा बिन लादेन, दाऊद अशा विचारांची माणसे परदेशात बसून असे व्हॉट्सॲप ग्रुप चालवत आहेत. अशांचे देशात कोणाशी लागेबांधे आहेत, याची चौकशी करा.

Prakash ambedkar and gunratan sadavarte
Maharashtra Politics : इच्छा आहे तोपर्यंतच 'मविआ'मध्ये राहू म्हणणाऱ्या राऊतांना अजित पवारांचं उत्तर; म्हणाले...

एसटी बँकेचे ६४ हजार सदस्य असून त्यातील ४८ हजार मतदार हे एसटी कष्टकरी जनसंघाशी निगडित आहेत. यामुळे वर्षानुवर्षे शरद पवार यांच्या विचारांशी संबंधित असलेली या बँकेतील व्यक्तींच्या म्हणजेच सावकारीविरुद्ध कष्टकरी अशी ही निवडणूक आहे. यासाठी एसटी कष्टकरी जनसंघ जनतेमध्ये आला असून आम्ही निवडून येऊ असा विश्वास त्यांनी व्यक्त केला.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com