Maharashtra Police Transfers : राज्यातील पोलिस उपायुक्त, सहायक आयुक्तांच्या बदल्या

पुणे - राज्य सरकारने २१ पोलिस उपायुक्त आणि सहायक आयुक्त दर्जाच्या अधिकाऱ्यांच्या बदल्यांचे आदेश बुधवारी (ता. २८) काढले. पुणे शहर वाहतूक शाखेचे पोलिस उपायुक्त शशिकांत बोराटे यांची ठाणे शहरात बदली करण्यात आली आहे.

पिंपरी-चिंचवडचे पोलिस उपायुक्त विवेक पाटील यांची नाशिकच्या पोलिस अकादमीच्या अधीक्षकपदी नियुक्ती करण्यात आली आहे. लोहमार्गच्या अतिरिक्त अधीक्षक माधुरी कांगणे यांची पिंपरी चिंचवडच्या उपायुक्तपदी नियुक्ती करण्यात आली आहे.

सहाय्यक पोलिस आयुक्त वसंत कुवर यांची अहमदनगर येथील जात पडताळणी विभागात, पिंपरी चिंचवडचे सहायक आयुक्त विठ्ठल कुबडे यांची सोलापूर, सहाय्यक आयुक्त विवेक मुगळीकर यांची रायगड जिल्ह्यातील श्रीवर्धन येथे येथे बदली करण्यात आली आहे. छत्रपती संभाजीनगरचे सहाय्यक आयुक्त साईनाथ ठोंबरे यांची पुणे शहर, सोलापूरचे सहाय्यक पोलिस आयुक्त राजू मोरे यांची पिंपरी चिंचवड आयुक्तालयात बदली करण्यात आली आहे.