सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
'आपण देवेंद्र फडणवीस यांची मते ऐकली असतील. त्‍यांनी अत्‍यंत उत्कृष्ट मांडणी केली आहे. त्‍याबाबत त्‍यांचे जे मत आहे तेच माझेही आहे.'
Satara News: पद कोण सांभाळतं याला फारसे महत्त्‍व नाही. लोकांची कामे होणे महत्त्‍वाचे आहे. माझ्‍या मंत्रिपदाबाबत अफवा आहेत. मी माझे काम करत असतो, असे वक्‍तव्‍य खासदार उदयनराजे भोसले (Udayanraje Bhosale) यांनी पत्रकार परिषदेत केले.
दरम्यान मंत्रिपद मिळावे, असे प्रत्‍येकाला वाटणे स्‍वाभाविक आहे. जिल्ह्याला आणखी लोकप्रतिनिधित्व मिळाले, तर अजून कामे होतील; पण ते कुणाला द्यायचे आणि कुणाला नाही हे माझ्‍या हातात नाही आणि मंत्रिपदासाठी मी का कोणाचे नाव सांगू. उद्या मी म्‍हणेन मला मंत्रिपद द्या; पण मला त्‍यात इंटरेस्ट नाही, अशी टिपणी उदयनराजेंनी यावेळी केली.
कास तलाव सुधारित बंदिस्‍त जलवाहिनीच्‍या कामाच्‍या भूमिपूजन कार्यक्रमानंतर आयोजित पत्रकार परिषदेत ते बोलत होते. या वेळी त्‍यांच्‍यासमवेत माजी उपाध्‍यक्ष मनोज शेंडे, वसंत लेवे यांच्‍यासह सातारा विकास आघाडीचे पदाधिकारी, नगरसेवक, कार्यकर्ते उपस्‍थित होते.
राष्‍ट्रवादीतून गेलेल्‍यांना मंत्रिपद मिळाले, तुम्‍ही चार वर्षांपूर्वी राष्‍ट्रवादीतून भाजपत गेला, मात्र तुम्‍हाला अजूनही मंत्रिपद देण्‍यात आले नाही किंवा तसा निरोप देखील आला नाही या प्रश्‍‍नावर त्‍यांनी वरील टिपणी केली.
राष्‍ट्रवादीच्‍या फुटीनंतर आपण राज्‍यातील प्रमुख नेत्‍यांना भेटत तलवार आणि वाघनख्‍या भेट दिल्‍याबाबत विचारले असता ते म्हणाले, ‘‘मी ज्‍यावेळी राष्‍ट्रवादी सोडली, त्‍याचवेळी इतरांना वाघनख्‍या, तलवारी भेट दिल्‍या पाहिजे होत्‍या. तलवारी दिल्‍या म्‍हणजे, तो अधिकार आम्‍हाला नाहीतर दुसऱ्या कोणाला आहे. मला वाटले दिल्‍या. प्रत्‍येकाच्‍या घरात असावी.’’
अजित पवार (Ajit Pawar) यांच्‍या बंडाबाबत विचारलेल्‍या प्रश्‍‍नावर ते म्हणाले, ‘‘काल आपण देवेंद्र फडणवीस यांची मते ऐकली असतील. त्‍यांनी अत्‍यंत उत्कृष्ट मांडणी केली आहे. त्‍याबाबत त्‍यांचे जे मत आहे तेच माझेही आहे.’’
गेल्‍या काही दिवसांतील भाजपच्‍या नेत्‍यांच्‍या गाठीभेटी आणि मंत्रिमंडळ विस्‍ताराबाबत छेडले असता ते म्हणाले, की भेटलो नाही तर तुम्‍हीच म्‍हणणार हे तुटक वागतायत. भेटीत मी त्‍यांना साताऱ्याचे सामाजिक चळवळींतील योगदान सांगितले. या दरम्यान जिल्‍हा बँक संचालकांच्‍या युरोप दौऱ्यावर टीका करत कास, तापोळ्यासह परिसरातील पर्यटनास चालना मिळावी, यासाठी आराखडा तयार करणार असल्‍याचेही त्‍यांनी या वेळी सांगितले
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
