मुंबई - राज्याची उपराजधानी नागपूर येथे हिवाळी अधिवेशन सुरू आहे. या आधिवेशनाच्या पहिल्या दिवसापासून विरोधक आक्रमक आहे. त्यातच मुख्यमंत्री एकनाथ शिंदे यांच्यावर भूखंड घोटाळ्याचे आरोप कऱण्यात आले होते. तसेच कर्नाटक-महाराष्ट्र सीमावाद सुरू आहे. यावरून विरोधकांनी निदर्शने करत नवीन घोषणा दिली आहे. (Winter Session 2022 news in Marathi)
याआधीच्या अधिवेशनात विरोधकांनी '५० खोके एकदम ओके', अशा घोषणा देत शिंदे गटातील आमदारांवर हल्लाबोल केला होता. त्यावेळी या घोषणा गाजल्या होत्या. मात्र यावेळी विरोधकांनी नवीन घोषणा देत थेट एकनाथ शिंदेंनाच लक्ष्य केलं आहे. यावेळी जमीन घोटाळ्याच्या आरोपावरून विरोधक आक्रमक झाल्याचं पाहायला मिळत आहे.
यावेळी विरोधकांनी श्रीखंडाचे डब्बे विधानभवनाच्या आवारात वाटप केले. या डब्ब्यांवर भूखंड अर्थात 'भूखंडाचे श्रीखंड' अशा घोषणा देण्यात आल्या आहेत. शिवाय 'दिल्लीचे मिंधे, एकनाथ शिंदे' अशी घोषणाबाजीही केली. एकंदरीत गेल्या वेळच्या घोषणा अजुनही गाजत असताना आता ही नवीन घोषणा थेट शिंदेंविरोधात देण्यात आली आहे.
हेही वाचा सोंगी भजनाच्या माध्यमातून शांतारामबापूंनी घडवले दत्तदर्शन...
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.