वळण रस्त्याचा अंदाज चुकल्याने दुचाकी घसरुन दोन जण जागीच ठार

सकाळ ऑनलाईन टीम
Saturday, 23 January 2021

रोहिलागड- दाभरुळ रस्त्यावरील घटना.. मृतकामध्ये एका महिलेचा समावेश

आडूळ (औरंगाबाद): ढाब्यावरचे काम आटोपल्यानंतर घरी परत येत असताना रस्त्यावरील वळणाचा अंदाज आला नसल्याने दुचाकी रस्त्याच्या खाली असलेल्या खड्यात आदळून दोन जण जागीच ठार झाले आहेत. ही घटना शुक्रवारी (ता.२२) रोजी मध्यराञीच्या सुमारास रोहिलागड- दाभरुळ रस्त्यावरील दाभरुळ (ता.पैठण) शिवारात घडली. अनिस गफुर पठाण, संगिता दळवे असे मयतांची नावे आहेत.

अनिस गफूर पठाण (वय ४० वर्षे) राहणार, इस्लामपुरा, बीड हल्ली मुकाम आपतगाव (ता.औरंगाबाद) व संगीता दळवे (वय ४५ वर्षे ) राहणार बीड हे मातोश्री ढाबा, रोहिलागड येथे आचारीचे काम करीत होते. दिवसभराचे काम आटोपल्यानंतर शुक्रवारी (ता.२२) रोजी मध्यराञीच्या सुमारास घरी (आपतगाव) येथे विना नंबरच्या दुचाकीने परत येत असताना दाभरुळ शिवारातील एका वळण रस्त्याचा अंदाज आला नसल्याने दुचाकी रस्त्याच्या खाली उतरुन खड्यात पडली. यात दुचाकीचा चुराडा होऊन दुचाकीस्वार अनिस पठाण व संगिता दळवे हे जागीच ठार झाले.

स्पर्धा परीक्षा होत नसल्याने उचलले टोकाचे पाऊल, आकाशने गळफास घेऊन केली आत्महत्या

शनिवारी (ता.२३) रोजी सकाळी रस्त्याने चालणाऱ्या एक जण तिथे थांबला असता त्याला येथे अपघात झाल्याचे लक्षात आले. यानंतर त्याने ही माहिती पोलिसांना दिली. महामार्ग पोलिस जालना ऋषिंद्र राऊत, दिनकर मोरे, तान्हाजी कान्होरे यांनी घटनास्थळी येऊन परिस्थिती जाणून घेतली. या घटनेची माहिती मिळताच पाचोड पोलीस ठाण्याचे पोलिस उपनिरीक्षक सुरेश माळी, बीट जमादार गोरखनाथ कणसे, चालक काकडे, अफरोश पठाण यांनी घटनास्थळी येऊन पंचनामा केला व शवविच्छेदनासाठी मृतदेह पाचोड येथील ग्रामीण रुग्णालयात हलविले. या घटनेची नोंद पाचोड पोलिस ठाण्यात घेण्यात आली आहे.

पाचोड - पैठण रस्त्याच्या रुंदीकरणाचे काम पोलिस बंदोबस्तात सुरु; शेतकरी -...

ही घटना शुक्रवारी रात्री घडली, या मार्गावर जास्त वाहन चालत नसल्याने येथे राञी अपघात झाल्याचे कोणाच्याही लक्षात आले नाही. त्यात अपघातानंतर दुचाकी रस्त्याच्या बाजूला असलेल्या सात आठ फुट खोल खड्यात जाऊन पडली होती. त्यामुळे कोणाचीही नजर या अपघातावर पडली नव्हती त्यामुळे हे दोन्ही मृतदेह तब्बल १० ते १२ तास जागेवरच पडून होते.

(edited by- pramod sarawale)


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: aurangabad accident news two die in two wheeler accident