कोरोनाचा गर्भवती महिला आणि बाळाच्या आरोग्यावर परिणाम होतो का?

औरंगाबाद: मागील एक वर्षापासून जगभरासह देशात कोरोनाने कहर केला आहे. लाखो लोकांना या रोगामुळे जीव गमवावा लागला आहे. सध्या भारतातही कोरोनाचे रुग्ण पुन्हा वाढत आहेत. कोरोनाने लहान मुलांपासून ते वयस्कर लोकांपर्यंत कुणालाच सोडलं नाही. आता अशात गर्भवती महिलांच्या आरोग्यावर किंवा होणाऱ्या बाळावर कोरोनाचा परिणाम होतो का, झाला तर नेमका काय होतो हे जाणून घेऊया.

काही दिवसांपुर्वी झालेल्या एका संशोधनात असं समोर आलं आहे की, कोरोनाची बाधा झालेल्या महिलेला प्रेग्नंसीवेळी अडचणी वाढू शकतात.

हृदयविकाराने पतीचा मृत्यू झाल्यावर पत्नीनेही सोडला प्राण; आठवडाभर फ्लॅटमध्ये...

हे संशोधम कॅनेडियन मेडिकल असोसिएशन जर्नलमध्ये प्रकाशित करण्यात आला होते. या अभ्यासात आईवर कोरोना संसर्गामुळे उद्भवणार्‍या जोखमींवर लक्ष केंद्रित केले होते. तसेच याचा बाळावरही मोठा परिणाम होतो. हे परिणाम प्रीक्लेम्पसिया (preeclampsia),गर्भ दगावणे, मुदतीपूर्व जन्म आणि इतर प्रतिकूल परिणामांशी संबंधित असू शकतात असंही या संशोधनात समोर आलं आहे.

संशोधनात अजून काही धक्कादायक बाबी समोर आल्या आहेत. यात असंही आढळलं आहे की, कोरोनाचा संसर्ग झाल्यास प्रेग्नंसीदरम्यानची जोखीम दुप्पट होते. तसेच गर्भवती महिलेमध्ये सिझेरियन पध्दतीने प्रसूती होण्याच्या धोक्यात 50 टक्क्यांनी वाढ होते.

World Tuberculosis day 2021: दररोज सुमारे 4 हजार जण  क्षयरोगामुळे गमावतात जीव

कॅनडाच्या मॉन्ट्रियल युनिव्हर्सिटीच्या संशोधक नॅथली ऑगर यांनी सांगितले की, " आम्हाला संशोधनात कोरोनाबाधित प्रेग्नंट महिलेच्या रक्तदाबावरही परिणाम होत असल्याचे दिसले आहे. तसेच प्रेग्नंसीनंतर बाळाची काळजीही खूप घ्यावी लागते. एकंदरीत कोरोमुळे बराच गुंता वाढत जातो" 

या संशोधनासाठी, संशोधकांनी 42 अभ्यासांचा आढावा घेतला आणि यामध्ये जवळपास 438 प्रेग्नंट महिलांचा समावेश होता. या प्रेग्नंट महिला कोरोनाबाधित असल्याने त्यांच्यावर अभ्यास केला. या आकडेवारीतून असे दिसून आले आहे की, संसर्ग झालेल्यांच्या रक्तातील साखरेचे प्रमाण आणि मुदतीपूर्वी जन्माचा धोका जास्त असल्याचे दिसून आले.

या अभ्यासात प्रेग्नंट महिलांच्या शरीरातील रक्तप्रवाहादेखील अडचणी येत असल्याचे समोर आले आहे.