एमपीएससी परीक्षा पुढे ढकल्याने औरंगाबादेत विद्यार्थी उतरले रस्त्यावर, ठाकरे सरकारचा केला निषेध

औरंगाबाद : महाराष्ट्र लोकसेवा आयोगाने एमपीएससीची परीक्षा गुरुवारी (ता.११) पुढे ढकलली आहे. येत्या १४ मार्च रोजी ती होणार होती. परीक्षा पुढे ढकल्याने संतापलेले विद्यार्थी रस्त्यावर उतरले असून त्यांनी औरंगाबाद येथील पैठण गेट ते महात्मा फुल चौकापर्यंत फेरी काढली. यावेळी उद्धव ठाकरे सरकारच्या विरोधात घोषणा देत शासनाचा जाहीर निषेध करण्यात आला. याबाबतचा निर्णय रद्द करा अशी मागणी यावेळी करण्यात आली आहे.

बारावे ज्योतिर्लिंग घृष्णेश्वर मंदिरात यंदा भाविकांविना महाशिवरात्री साजरी, यात्रा रद्द झाल्याने सर्वत्र शुकशुकाट

औरंगाबाद येथील औरंगपूरा भागात मोठ्या प्रमाणावर मराठवाड्यासह इतर भागातून आलेले तरुण-तरुणी एमपीएससी परीक्षेची तयारी करित असतात. अनेक जण वर्षभरापासून परीक्षेची तयारी करत आहेत. लाॅकडाऊन त्यात कोरोना यामुळे अभ्यासावर परिणाम झाला होता. पण प्रत्येक जण नव्याने एमपीएससीच्या तयारीला लागला होता. त्यात रविवारी (ता.१४) होणारी परीक्षा पुढे ढकल्याने विद्यार्थ्यांमध्ये प्रचंड असंतोष निर्माण झाला आहे. राज्यात ठिकठिकाणी सरकारचा त्यांच्या वतीने निषेध व्यक्त करुन फेऱ्या काढण्यात येत आहेत.