'आरक्षणाचा निकाल लागेपर्यंत एकही नोकर भरती होऊ देणार नाही', मराठा ठोक मार्चाचा पावित्रा

औरंगाबाद: मराठा क्रांती ठोक मोर्चातर्फे मराठा युवक, विद्यार्थी व मराठा समजाच्या प्रलंबित मागण्यांसाठी शनिवारी (ता. ६) सकाळी अकरा वाजता क्रांती चौकात ठिय्या आंदोलन करण्यात आले. यावेळी जमलेले असंख्य कार्यकर्ते आणि पदाधिकाऱ्यांनी केंद्र व राज्य सरकारविरुद्ध घोषणा दिल्या. दरम्यान काही आंदोलकांना क्रांती चौक पोलिसांनी ताब्यात घेत नंतर सोडून दिले.

नोकरभरती होऊ देणार नाही-

मराठा आरक्षणाविरोधातील स्थगिती जोपर्यंत उठत नाही तोपर्यंत महाराष्ट्रात नोकरभरती व परिक्षा होऊ देणार नसल्याचा ठोक मार्चाचा पावित्रा आहे. तसेच ‘एसईबीसी’ आरक्षणातून मराठा समाजातील उमेदवारांना तात्काळ शासकीय नोकरीत सामावून घ्यावे ही मागणी केली आहे. मदत व पुनर्वसन मंत्री विजय वडेट्टीवार हे प्रक्षोभक भाषण करुन मराठा व ओबीसी समाजात तेढ निर्माण करण्याचे काम करीत आहेत, असा आरोपही ठोक मोर्चाकडून प्राप्त निवेदनात करण्यात आला.

Crime News: मुलीकडे एकटक बघणाऱ्यास ६ महिने सक्तमजुरीची शिक्षा

कोपर्डी घटनेतील आरोपींना फाशी द्यावी-

कोपर्डी घटनेतील आरोपींना तात्काळ फाशीची शिक्षा देण्यात यावी, मराठा आंदोलकांवरील गुन्हे मागे घ्यावे, मराठा विद्यार्थ्यांसाठी जिल्हानिहाय वसतीगृह उभारावे. सर्वोच्च न्यायालयात केंद्र व राज्य सरकारने लक्ष घालून वकिलामार्फत भक्कम बाजू मांडून मराठा समाजाला आरक्षण मिळवून द्यावे आदी मागण्या मराठा मोर्चातर्फे करण्यात आल्या.

सावधान! डी - मार्टच्या फेक लिंकवर क्लिक कराल तर होऊ शकतं नुकसान

यावेळी मोठ्या संख्येने ठोक मोर्चाचे पदाधिकारी व कार्यकर्ते गोळा झाली. झेंडे हाती घेत त्यांनी ‘एक मराठा, लाख मराठा’ या घोषणा दिल्या. पोलिसांनी काही पदाधिकारी व कार्यकर्त्यांना ताब्यात घेतले. यात महिला कार्यकर्त्यांचाही समावेश होता. काही वेळाने त्यांना सोडण्यात आलं.

(edited by- pramod sarawale)