औरंगाबाद: रुग्णांसाठी नातेवाईकांनी हातात सलाईन धरलेले दोन फोटो समाजमाध्यमांवर गुरुवारी (ता. १८) व्हायरल झाले. त्यातील एक फोटो घाटी रुग्णालयातील असून दुसरा घाटीतील असल्याचे प्रथमदर्शनी समोर आले. दरम्यान, बाजूचा ‘आयव्ही स्टँड’ आणेपर्यंत दोन मिनिटांपुरतेच नातेवाईकाने सलाईन हातात धरले होते, असे यावर घाटी प्रशासनाने स्पष्ट केले आहे.
घाटी रुग्णालयात वॉर्ड क्रमांक १४- १५ मध्ये एका रुग्णाला लावलेली सलाईनची बाटली एक तरुणी हातात धरून उभी असल्याचा आणि रुग्णालयाच्या आवारात बसलेल्या एका रुग्णाची सलाईनची बाटली हातात धरलेल्या महिलेचा फोटो गुरुवारी व्हायरल झाला. ‘घाटीत औरंगाबादसह मराठवाड्यातील रुग्ण उपचारासाठी येतात. मात्र घाटी रुग्णालयात सुविधांची वानवा पाहायला मिळतोय’ असा मजकूरही त्यासोबत व्हायरल झाला.
हा प्रकार घाटी प्रशासनाच्या निदर्शनास आला. याप्रकरणी तात्काळ वार्ड क्रमांक १५ मध्ये चौकशी करण्यात आली. तेव्हा सलाईन स्टॅंड आणेपर्यंतच नातेवाईकाने सलाईन हातात धरला होता. चौकशी करण्यात येत असल्याचेही घाटी प्रशासनकडून सांगण्यात आले.
घाटीतील वार्ड क्रमांक १४-१५ मध्ये उपचार घेत असलेल्या रुग्णाला सलाईन लावण्यासाठी परिचारिका स्टॅंड आणण्यासाठी गेल्या, त्यावेळी ती सलाईन रुग्णांच्या नातेवाईकांकडे काही मिनिटांसाठी देण्यात आली. तोपर्यंत कुणीतरी फोटो काढून तो सोशल मिडीयावर टाकला. अर्थात नातेवाईकांनी मदत म्हणून ती कृती केली. दुसऱ्या फोटोतील रुग्ण सोनोग्राफी किंवा एक्स-रेसाठी जात असेल व रुग्ण गंभीर असेल तर आपण चाकाची खुर्ची अथवा ट्रॉलीवर पाठवितो. परंतू, रुग्ण गंभीर नसेल तर त्याला ट्रॉली देण्याची गरज नसते, ते शक्य नसते. अशात तपासणीसाठी जाताना सलाईन बंद न होण्यासाठी ते हातात घेऊन नेण्याची वेळ येऊ शकते.
- डॉ. सुरेश हरबडे, वैद्यकीय अधीक्षक, शासकिय वैद्यकीय महाविद्यालय व रुग्णालय
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.