Aurangabad Lockdown: औरंगाबादमध्ये व्यापाऱ्यांचे 'गांधीगिरी स्टाईलने' आंदोलन; लॉकडाउनचा निषेध

औरंगाबाद: शहरात जिल्हा प्रशासनातर्फे व्यापाऱ्यांना विश्वासात न घेता लावण्यात आलेल्या निर्बंधांमुळे संतप्त झालेल्या सिडकोतील व्यापारी संघटनांनी आज लॉकडाउन विरोधात निषेध फलक दाखवत अनोखे गांधीगिरी आंदोलन केले.

सिडको एन-6 चिस्तिया पोलीस चौकी ते बळीराम पाटील रोडवरील आविष्कार चौकात हे आंदोलन करण्यात आले. लॉकडाउनला कडकडीत विरोध अशा आशयाचे फलक व्यापाऱ्यांनी येणाऱ्या-जाणाऱ्या वाहनधारकांना दाखवत आपली प्रशासनाविरोधात असलेली  तीव्र नाराजी व्यक्त केली. चिस्तिया पोलीस चौकी, अविष्कार चौक, अविष्कार कॉलनी आणि अन्य एका ठिकाणी अशा चार ठिकाणी व्यापाऱ्यांतर्फे हे अनोखे आंदोलन करण्यात आले.

माणुसकीला जात नसते, धर्मही नसतो! मुस्लीम युवक घेताहेत सर्वधर्मीय...

या आंदोलनात सिडकोतील व्यापारी संघटना व प्रगती व्यापारी संघटनांनी सहभाग नोंदवला आणि लॉकडाउन मागे घेण्याची मागणी केली.