पैठण (औरंगाबाद): मंदिरात गर्दी होऊ नये, कोरोनाचा संसर्ग वाढू नये म्हणून राज्यातील मंदिरे भाविकांसाठी दर्शनास बंद करण्यात आली आहेत. त्यानुसार पैठण येथील शांतीब्रम्ह संत एकनाथ महाराज यांचे समाधी मंदिरही मंगळवारी (ता.६) पासून दर्शनासाठी मंदिर बंद ठेवण्यात आले आहे, अशी माहिती नाथमंदिर ट्रस्टचे कार्यकारी विश्वस्त दादा बारे यांनी दिली.
शासनाच्या पुढील आदेश येईपर्यंत मंदिरात फक्त पुजारी व ट्रस्ट चे पदाधिकारी यांच्या उपस्थितीत रोजची नियमित पूजा अर्चा सुरु राहणार आहे, असे ही त्यांनी स्पष्ट केले. नाथषष्ठी यात्रा रद्द झाल्यामुळे या परिसरातील गोरगरीब भाविक व भिकारी यांच्यावर उपासमारीची वेळ आली असली तरी नाथमंदिरातील अशा भाविक गोरगरिब भाविक व भिकारी यांच्या भोजनासाठी अन्नछत्र प्रसादालय सकाळी व सायंकाळी या दोन्ही वेळेत सुरु ठेवण्याचा निर्णय रोहयो व फलोत्पादन मंत्री तथा ट्रस्टचे अध्यक्ष संदीपान भुमरे यांनी केलेल्या सूचनेनुसार घेण्यात आला आहे.
कोरोना काळात गतवर्षीही अन्नछत्र होते सुरु-
मागील वर्षी कोरोनाच्या काळात नाथ मंदिरातील अन्नछत्र रोहयो व फलोत्पादन मंत्री संदीपान भुमरे यांनी दिलेल्या आदेशानुसार हरीसेवा कृपा समितीचे अध्यक्ष सतीश उदावंत यांनी अन्नछत्र सुरु केले. त्यामुळे मोठा आधार गोरगरिबांना मिळाला होता. आताही लॉकडाऊनच्या काळात ही सेवा पुरविण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.