Aurangabad Lockdown: जाधववाडी भाजी मार्केटमध्ये शुकशुकाट, टोमॅटो, वांगे फेकली रस्त्यावर

औरंगाबाद: जाधववाडी येथील फळे व भाजीपाला मार्केट परिसरात गुरुवार(ता.११) पासून सात दिवस बंद राहणार आहे. पहिल्या दिवशी सकाळी काही शेतकरी भाजीपाला घेऊन आले होते. मात्र पोलिसांनी त्यांना गेटवर अडविल्यामुळे सनी सेंटर येथे काहींनी दुकाने थाटली होती.

पोलिस आल्यानंतर येथील गर्दी कमी झाली. यातील काही व्यापाऱ्यांनी टोमॅटो आणि वांगे रस्त्यावर फेकले. दुसरीकडे आवारात शुकशुकाट दिसून आला. आडत, रासायनिक खते, बियाणे विक्री करणारे दुकाने सुरु होती. बाजार समितीत शेतमाल विक्रीसाठी शेतकऱ्यांना जागा दिली असताना शेतकऱ्यांच्या नावावर व्यापारी भाजीपाला-फळे विक्री करतात. आजच्या बंदमध्ये हे दिसून आले.

कोरोना रूग्ण म्हणतात, फिरायला जाऊ द्या...तरुण रुग्ण करतायेत मागणी

फळे-भाजीपाला ही अत्यावश्‍यक गोष्ट असल्यामुळे त्यावर बंदी आणू नयेत अशी मागणी शेतकऱ्यांनी केली होती. अनेक शेतकऱ्यांनी इतर ठिकाणी शेतमाल विक्री केला. तर अनेकांनी बाजार समितीकडे येणेच टाळले.

ट्रकच्या धडकेत एक जण जागीच ठार, पाचोड-पैठण रस्त्यावरील घटना

जुना मोंढ्यात तपासणी - 
जुना मोंढा परिसरात सायंकाळी चारच्या सुमारास पथकाने दुकानांची तपासणी केली. त्यावेळी काही दुकानदारांना दंड लावण्यात आल्याने शाब्दिक वाद झाल्याचे समजते. त्यानंतर पथक प्रमुखांनी व्यापाऱ्यांशी संवाद साधत जनजागृती केली व त्यानंतर वाद मिटल्याचे सुत्रांनी सांगितले.